Ostona xalqaro aeroportining uchish-qo‘nish yo‘lagi taʼmirlash ishlari munosabati bilan, Uzbekistan Airways’ning Toshkent—Ostona va Ostona—Toshkent yo‘nalishlari bo‘yicha parvozlar jadvalida majburiy o‘zgartirish bo‘ladi. Bu haqda aviakompaniya matbuot xizmati xabar berdi.
Maʼlum qilinishicha, 2023-yil 8-avgustga qadar Toshkent—Ostona—Toshkent yo‘nalishida qatnovlar quyidagi jadval bo‘yicha amalga oshiriladi:
Dushanba, seshanba, payshanba va shanba kunlari:
- Toshkentdan uchish: 19:30 (Toshkent vaqti bilan);
- Ostonaga yetib kelish: 22:30 (Ostona vaqti bilan);
- Ostonadan uchish: 23:35 (Ostona vaqti bilan);
- Toshkentga yetib kelish: 00:35 (Toshkent vaqti bilan).
Juma kunlari esa:
- Toshkentdan uchish: 06:55 (Toshkent vaqti bilan);
- Ostonaga yetib kelish: 09:55 (Ostona vaqti bilan);
- Ostonadan uchish: 11:00 (Ostona vaqti bilan);
- Toshkentga yetib kelish: 12:00 (Toshkent vaqti bilan).
“Vaqtinchalik noqulayliklarni to‘g‘ri tushunishingizga umid qilamiz”, — deyiladi xabarda.
Aprel oxirlarida Samarqand aeroporti Yevropaning yirik aviakompaniyalari bilan reyslar ochish bo‘yicha muzokaralar olib borayotgani, Andijon xalqaro aeroporti esa 1-aprel sanasidan boshlab vaqtincha yopilgani to‘g‘risida xabar berilgandi.
Izoh (0)