Qozog‘istonning Turkiston viloyatida yuz bergan avariya oqibatida to‘qqiz kishi halok bo‘ldi, deb yozmoqda Tengrinews.
17-iyul kuni ertalab viloyat avtomobil yo‘li Ekpindi-So‘zakda dahshatli YTH sodir bo‘ldi. Nissan, Toyota Camry va Volkswagen Grafter avtomobillari to‘qnashib, so‘ng yonib ketgan.
“To‘qqiz kishi voqea joyida vafot etgan. 13 kishi kasalxonaga yotqizildi. Ikki kishi kasalxonaga yotishdan bosh tortdi”, — dedi Turkiston viloyati politsiya boshqarmasi boshlig‘ining birinchi o‘rinbosari Bag‘lanbek Aytpayev.
Politsiya ma’lumotlariga ko‘ra, YTHga Nissan avtomobilining qarama-qarshi yo‘nalishga chiqib ketgani sabab bo‘lgan. Hozir Turkiston viloyati IIB rahbariyati voqea joyida. Hodisaning barcha tafsilotlari aniqlanmoqda.
Izoh (0)