Shimoliy Koreya rahbari Kim Chen Inning singlisi Kim Yo Chjon Koreya yarimorolida yadro urushi boshlanadigan bo‘lsa, bunga AQSH tomonida bo‘lgan Birlashgan Millatlar Tashkiloti Xavfsizlik kengashi javobgar bo‘lishini aytdi. Uning bayonoti Koreyaning Markaziy telegraf agentligi tomonidan e’lon qilindi.
Kim Yo Chjon o‘z bayonotida Shimoliy Koreyada raketa uchirilishi bo‘yicha o‘tkazilgan BMT Xavfsizlik kengashining 12-iyuldagi yig‘ilishini qoraladi. Uning ma'lum qilishicha, Shimoliy Koreyaning bu chora-tadbirlari AQSHning “dushmanlik siyosati”ga javoban o‘zini o‘zi himoya qilishning “qonuniy” harakati hisoblanadi.
“Agar Koreya yarimorolida istalmagan, misli ko‘rilmagan yadro urushi boshlansa, buning uchun KXDRni o‘zini o‘zi mudofaa qilish qonuniy huquqidan foydalanishdan qat’iyan to‘xtatib turishga ko‘p harakat qilayotgan BMT Xavfsizlik kengashi javobgar bo‘ladi”, — dedi Kim.
Izoh (0)