Avstraliya Markaziy bankining (RBA) yangi rahbari ayol kishi — Mishel Bullok bo'ladi, u hozirda Markaziy bank rahbari o'rinbosari lavozimini egallab turibdi.
Avstraliya Markaziy bankining press-reliziga ko‘ra, Bullokning RBA rahbari sifatidagi yetti yillik muddati 18-sentabrda boshlanadi.
Bankning amaldagi rahbari Filipp Lou o'z lavozimini 17-sentyabr kuni tark etadi.
1985-yildan beri Avstraliya Markaziy bankida ishlab kelayotgan Bullok uning to‘qqizinchi rahbari va bu lavozimni egallagan birinchi ayol bo‘ladi. U Markaziy bankning 63 yillik tarixidagi eng ulkan islohot davrida uni boshqaradi.
Joriy yilning aprel oyida Avstraliya hukumati Markaziy bank faoliyatini isloh qilish bo'yicha takliflar kiritdi, bu 2024-yil iyuliga qadar amalga oshirilishi kutilmoqda.
Pul-kredit siyosati qo‘mitasi tuzilmasini o‘zgartirish rejalashtirilmoqda, bu Markaziy bank rahbarining qabul qilinadigan qarorlarga ta’sirini susaytiradi. Qo'mita yig'ilishlari soni yiliga 11 tadan 8 tagacha qisqartiriladi, har bir yig'ilish Markaziy bank rahbari tomonidan matbuot anjumani bilan birga o'tkaziladi.
Izoh (0)