O‘zbekistonda 2023-yilning o‘tgan 6 oyi davomida 24 ta yangi davlat xizmati ishga tushirildi. Bu haqda AOKAda o‘tkazilgan brifingda Adliya vazirligi axborot xizmati rahbari Sevara O‘rinboyeva ma‘lum qildi.
Unga ko‘ra, shulardan 12 tasi Davlat xizmatlari markazlari hamda Yagona intraktiv davlat xizmatlari portalida, qolgan 12 tasi “Litsenziya” axborot tizimida. Xususan joriy yilning 6 oyi davomida davlat xizmatlari ko‘rsatuvchi vakolatli organlar tomonidan 64 853 ta qonun hujjatining buzilishi holatlari aniqlandi.
Shundan 46 078 tasi muddat buzilish, 7 660 tasi ortiqcha hujjat talab qilish, 1 188 tasi to‘g‘ridan to‘g‘ri davlat xizmatlarini ko‘rsatish, 4657 tasi asossiz rad etish, 20 tasi vakolatli idoraning qonuniy talabini bajarmaslik, 5 250 tasi boshqa qonun buzilishi holatlarini tashkil qiladi.
Shundan sog‘liqni saqlash idoralarida 8 966 tadan, kadastr tashkilotlarida 8 728 tadan, qurilish va arxitektura idoralarida 6 291 tadan, “O‘zsuvtaʼminoti” AJda 5 308 tadan, “Hududgaztaʼminot” AJda 4 776 tadan ortiq qunun hujjatlarining buzilishi holatlari aniqlandi.
Izoh (0)