O‘zbekiston prezidenti Armaniston bosh vaziri bilan ikki tomonlama munosabatlarni rivojlantirish masalalarini muhokama qildi, deb xabar bermoqda prezident matbuot xizmati.
Qayd tilishicha, 12-iyul kuni bo‘lib o‘tgan telefon orqali muloqotda Shavkat Mirziyoyev va Nikol Pashinyan ikki tomonlama munosabatlarni, eng avvalo, savdo-iqtisodiy va madaniy-gumanitar sohalarda rivojlantirish masalalarini ko‘rib chiqdi.
Armaniston hukumati rahbari O‘zbekiston yetakchisini prezident saylovidagi ishonchli g‘alabasi bilan tabriklab, katta muvaffaqiyatlar va baxt-saodat tiladi.
Suhbatda amaliy hamkorlik loyihalarini ilgari surish maqsadida Hukumatlararo komissiyaning birinchi yig‘ilishi hamda qo‘shma ishbilarmonlik tadbirlarini o‘tkazish muhimligi alohida taʼkidlandi.
Izoh (0)