Chiroyli va iqtidorli hind aktrisasi Kajol aktyorlik mahorati va muvaffaqiyatli filmlari tufayli tomoshabinlar mehrini qozondi. Aktrisa 1992-yildagi ilk debyutidan keyin “Hayotda hamma narsa bo‘ladi” filmida Anjali, “Sir” nomli mashhur kinokartinada yovuz qahramon, “Gohi shodlik, gohi g‘am” loyihasida o‘ynoqi panjob qizi rollarini ijro etdi.
Kajol barcha yoshdagi tomoshabinlarning qalbidan joy oldi. Aktrisaning unutilmas rollari unga Hindistonning to‘rtinchi oliy fuqarolik mukofoti bo‘lgan “Padma Shri” kabi ko‘plab mukofotlarni qo‘lga kiritishiga yordam berdi. Kajol romantik filmlardagi rollarni mahorat bilan gavdalantirgan, biroq uning ishtirokidagi o‘tkir sujetli loyihalardagi ijrolari ham alohida e’tirofga sazovor bo‘lgan.
“Firibgar” filmi
Ushbu film 1993-yilda suratga olingan. “Firibgar” izlanuvchan aktrisaning ikkinchi filmi edi va loyiha hali ham uning ishtirokidagi eng mashhur filmlardan biri bo‘lib qolmoqda. Filmda Shohruh Xon va Shilpa Shetti ham bosh rollarni ijro etgan. “Firibgar” bir zumda kassada xit bo‘lib, Shohrux Xon va Kajolni Bollivudning yirik ligalariga joylashtirdi.
30 yil muqaddam prokatga chiqqan bu film hali ham o‘ch olishga intilayotgan va tadbirkorning to‘ng‘ich qizini maftun etgan sovuqqon qotil haqidagi sujeti bilan tomoshabinlarni o‘ziga tortmoqda. Qotil tadbirkorning katta qizini o‘ldiradi va uni o‘z joniga qasd qilgandek ko‘rsatadi. Keyinchalik sujetga uning singlisi qo‘shiladi va barcha haqiqatlarni bilib oladi.
“Sir”
“Sir” kinokartinasi 1997-yilda tomoshabinlarga taqdim etilgan. Filmda Sahil (Bobbi Deol ijrosida) bir nechta qotillikda ayblanadi. Ssenariy hind kinosidagi eng katta burilishlardan birini aks ettiradi, Bollivudning yovuz qahramonlari katta ansambli ishtirok etgan filmda qotil sifatida asosiy aktrisalardan biri Kajol bo‘lib chiqadi.
Ushbu filmdagi ishtiroki uchun Kajol “Eng yaxshi salbiy rol” nominatsiyasida Filmfare mukofotini oldi. Yaxshi ko‘rgan insoni uchun kimnidir o‘ldirishdan tab tortmaydigan qiz rolini Isha Devan mahorat bilan ijro etgan.
“Qiyofadosh” kinokartinasi
Psixologik triller qisman Eye for an eye nomli Gollivud filmidan ilhomlanib yaratilgan va loyiha hind kinoijodkorlari tomonidan qayta moslashtirilgan. Kajolning egizak opa-singillar Naina va Sonya rolini o‘ynashini tomosha qilib, uning aktyorlik iste’dodidan hayratda qolish mumkin. Qotil va zo‘rlovchi Gokul uning singlisi Sonyani o‘ldirganda, Naina qasos olishga kirishadi. Aktrisa adolat izlagan opa roliga osongina kirishib ketgan.
“Jonim fido” filmi
“Jonim fido” kinokartinasi 2006-yilda suratga olingan. Ushbu filmning musiqasi, ijrosi, ssenariysi, avj nuqtasi va kinematografiyasi a’lo darajada. Romantik trillerda Kajol Amir Xon bilan partnyor bo‘lgan. Loyiha sevgi, ayriliq, terrorizm, vatanparvarlik, yo‘qotish va boshqalar haqida hikoya qiladi. Ko‘zi ojiz kashmirlik qiz Zuni sayyohlarga gidlik qiluvchi Rehanni sevib qoladi.
Yigit unga ko‘rish qobiliyatini tiklashga yordam beradi, biroq ular birga bo‘la olmaydi, chunki Rehan terrorchilarning ssenariysi bo‘yicha portlashda vafot etishi kerak bo‘ladi. U oradan vaqt o‘tib homiladorligini bilib qoladi va farzand ko‘rishga va u bilan yashashga qaror qiladi. Hayot davom etadi, bir necha yil o‘tgach, Rehan va Zuni yuzma-yuz keladi. Keyinchalik Rehanning aslida boshqa inson ekani ma’lum bo‘ladi.
“Devi” filmi
Ushbu triller to‘qqizta ayol haqida hikoya qiladi. Garchi har bir ayolning kelib chiqishi har xil bo‘lsa-da, ba’zilari hatto kelishmasa ham, ularning barchasini bir tom ostida olib kelgan dardni baham ko‘radi. Film zo‘rlash va boshqa jinoyatlarga duch kelgan ayollarning real hayotiga asoslangan. Filmdagi har bir aktrisa tomoshabinni hayajonga soladigan voqeani aytib beradi. Kajol esa bu filmdagi rolini ham ajoyib tarzda ijro etgan.
Izoh (0)