Toshkent viloyati Bo‘stonliq tumanida bedarak yo‘qolgan yigit 2,5 yildan buyon qidirilmoqda. Bu haqda viloyat IIBB axborot xizmati xabar berdi.
Unga ko‘ra, Faxriddin Nuriddinov 2005-yil 16-mayda tug‘ilgan. Toshkent viloyati Bo‘stonliq tumani “Barraj” MFY Oxunboboyev ko‘chasi 58-uyda yashagan. U 2021-yil 26-aprel kuni o‘z uyidan nomaʼlum tomonga chiqib ketib, bedarak yo‘qolgan.
Belgilari: bo‘yi 160-165 sm, ozg‘in gavdali, sochi qora, qoshi qalin, ko‘zi qora, qirra burun, labi va quloqlari o‘rtacha kattalikda, yuz ko‘rinishi dumaloq.
Egnidagi kiyimlari: bo‘ri tasvirli qora rangli jemper, ko‘k jinsi shim, oyog‘ida qora sport krossovkasi bo‘lgan.
Qayd etilishicha, bedarak yo‘qolgan shaxsni topishda ko‘maklashgan fuqaro 10 million so‘m bilan mukofotlanadi. Ushbu shaxs haqida maʼlumotga ega bo‘lganlar 102 qisqa raqami orqali xabar berishi so‘ralgan. Xabar bergan fuqaroning shaxsi sir saqlanishi kafolatlanadi.
Izoh (0)