Fransiyaning Nanter shahrida o‘smirni otib tashlagan politsiyachi o‘t ochishga majbur bo‘lganini, chunki u o‘z hayotidan qo‘rqqanini tushuntirdi. Bu haqda 6-iyul kuni Le Parisien gazetasi hibsga olingan huquq-tartibot xodimi Florian M.ning tergov varaqasiga tayanib xabar berdi.
Politsiyachining tushuntirishicha, 27-iyun kuni ertalab u shaxsini tekshirish uchun Mersedes'ni to‘xtatgan. Haydovchi qochib ketishga harakat qilib, oldinga va orqaga yura boshlagan. Biroq, gazetaning qayd etishicha, bu gaplar tasdiqlanmagan, garchi videoda yigitning “yo‘ldan qoch” deb qichqirayotgani aks etgan bo‘lsa ham.
Xavfsizlik xodimining aytishicha, u mashina va orqasidagi past devor o‘rtasida qolib ketgan, shuning uchun to‘pponcha tepkisini bosishga qaror qilgan. Bundan tashqari, erkakning so‘zlariga ko‘ra, uning sherigi o‘lim xavfi ostida bo‘lgan – u yon oynasi orqali salonga egilib, mashinaning kalitini burab, motorni o‘chirmoqchi bo‘lgan.
Suhbat yozuvlari tahlili shuni ko‘rsatdiki, o‘smirga qaratilgan "boshingga qarab o‘q uzamiz" iborasi tepkini bosgan politsiyachining hamkasbi tomonidan aytilgan.
Tibbiy tekshiruvlar shuni ko‘rsatdiki, o‘smir bitta o‘qdan halok bo‘lgan: o‘q mashina old oynasini va yigitning bilagini teshib o‘tib, ko‘kragiga qadalgan.
Izoh (0)