O‘zbekistonda iyun oyida 6,1 milliad so‘mlik elektr energiyasidan noqonuniy foydalanish holatlari aniqlandi. Bu haqda Energetika vazirligi xabar qildi.
Qayd etilishicha, joriy yilning iyun oyida vazirlik huzuridagi “O‘zenergoinspeksiya” va huquqni muhofaza qiluvchi organlar hamkorligida nazorat tadbirlari o‘tkazilgan. Natijada 265 ta holatda iste’molchilar tomonidan 13,1 million kVt/soat elektr energiyasidan noqonuniy foydalanish holatlari aniqlangan.
Buning oqibatida tizimga 6,1 milliad so‘m zarar keltirilgan. Noqonuniy foydalanish holatlarining eng ko‘pi Andijon, Samarqand va Qashqadaryo viloyatlari hissasiga to‘g‘ri kelgan.
“Qoidabuzar iste’molchilarga nisbatan belgilangan tartibda choralar ko‘rilib, tegishli hujjatlar huquqni muhofaza etuvchi organlarga taqdim qilindi. Nazorat tadbirlari davom etmoqda”, — deyiladi xabarda.
Avvalroq Navoiyda 9,6 milliard so‘mlik elektr energiyasidan noqonuniy foydalanilgan mayning ferma aniqlangandi.
Izoh (0)