Toshkent viloyating Ohagaron tumanida Damas va mikroavtobus to‘qnashishi oqibatida 20 kishi jabrlandi. Bu haqda “Mening yurtim” telekanalining “Markaziy studiya” dasturida ma’lum qilindi.
.jpg)
Ma’lum qilinishicha, voqea 30-iyun kuni Toshkent viloyatidan o‘tuvchi Nurafshon—Ohangaron yo‘lida sodir bo‘lgan. Unda Damas avtomobili qarama qarshi yo‘lga chiqib, Istana rusumli transport vositasini urib yuborgan. Natijada 20 kishi jabrlangan.
Xabarda aytilishicha, mikroavtobus yo‘lovchilar bilan to‘lgan holatda harakatlangan. Har ikki mashina jiddiy shikastlangan. Damas’ning 90 foiz qismi pachoqlanib ketgan. Uning egasi mashinadan foydalanishni boshlaganiga 1 oy ham bo‘lmagan.
Ohangaron shahar markaziy shifoxonasi bosh shifokorining aytishicha, shifoxonaga olib kelingan bemorlarning barchasiga tibbiy yordam ko‘rsatildi. Bugungi kunda ularning uch nafari jarrohlik bo‘limida, ahvoli stabil. Qolgan bemorlar o‘zlarining turar joyidagi markazlariga jo‘natildi.
Viloyat IIB JXX YHXB axborot xizmati rahbarining ma’lum qilishicha, YTH oqibatida Damas’ning 1989 va 2000-yilda tug‘ilgan ikki nafar yo‘lovchisi vafot etgan. Holat yuzasidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismi bilan jinoyat ishi qo‘zg‘atilib, tergov harakatlari olib borilmoqda.
Izoh (0)