Eron Shanxay hamkorlik tashkilotiga a’zo bo‘ldi. Bu haqda SHHT kotibiyati ma’lum qildi.
Islom Respublikasining tashkilotga a’zo bo‘lishi haqidagi qaror Hindiston raisligidagi SHHTning 23-sammitida qabul qilindi.
“Aʼzo davlatlar Eron Islom Respublikasining SHHTga to‘laqonli aʼzo davlat sifatida qabul qilinishining tarixiy ahamiyatini taʼkidladi”, — deyiladi xabarda.
Eron tashkilotning to‘qqizinchi a’zosi bo‘ldi. 2022-yil sentabr oyida Samarqandda bo‘lib o‘tgan SHHTning avvalgi sammitida Eron assotsiatsiyaga aʼzo davlat maqomini olish bo‘yicha majburiyat memorandumini imzolagandi. SHHTga to‘liq a’zo bo‘lishdan oldin Eron kuzatuvchi maqomiga ega edi.
SHHT 2001-yil 15-iyunda Shanxayda tashkil topgan. Dastlab tashkilot tarkibiga oltita davlat — Qozog‘iston, Xitoy, Qirg‘iziston, Rossiya, Tojikiston va O‘zbekiston kirgan, 2017-yilda Hindiston va Pokiston ham qo‘shilgan. Afg‘oniston, Belarus va Mo‘g‘uliston tashkilotda kuzatuvchi maqomiga ega.
Izoh (0)