Liviyadagi “Vagner” aviabazasiga Turkiya dronlari hujum qildi. Bu haqda mamlakat Mudofaa vazirligidagi manbaga tayanib, Arabi21 xabar berdi.
![](/static/2023/zulfiya/photo_2023-07-02_13-14-10.jpg)
Ma’lum qilinishicha, Turkiyada ishlab chiqarilgan Bayraktar Akinji dronlari tomonidan berilgan zarbalar Liviya Milliy birlik hukumati (mamlakatning 2021-yildan buyon muvaqqat hukumati) kuchlari tomonidan amalga oshirilgan.
“Zarbalar oqibatida qurbonlar yo‘q”, — deya qo‘shimcha qildi manba.
“Vagner” obyektlari mamlakatning ikkinchi yirik shahri Beng‘ozidan 150 kilometr janubi-g‘arbda joylashgan. Rossiyaning Liviyadagi elchixonasi va Liviya Mudofaa vazirligi xabarga munosabat bermagan.
- Ma’lumot o‘rnida, “Vagner” xususiy harbiy kampaniyasi 2018-yildan beri Liviyadagi harbiy harakatlarda qatnashmoqda.
- Asosan, u feldmarshal Xalifa Xaftar (Liviya milliy armiyasi) tomonida harakat qilgan.