Apple’ning bozor qiymati 43 yil ichida birinchi marta 3,04 trillion dollarga yetdi

Apple’ning bozor qiymati 30-iyun kuni 3 trillion dollardan oshdi. Bu haqda CNBC xabar berdi. 

Unga ko‘ra, Apple’ning bozor qiymati ikkinchi marta 3 trillion dollardan oshdi. Birinchi marta bu 2022-yil 3-yanvarda sodir bo‘lgan. Biroq o‘sha kuni Apple bu qiymatni uzoq ushlab turolmagan — birja yopilishi bilan kompaniyaning qiymati yana 3 trillion dollardan pastlagan.

30-iyunda Apple o‘zining eng yuqori cho‘qqisiga chiqdi — kapitallashuvi 3,04 trillion dollarga yetdi, bu kompaniyaning 43 yillik tarixidagi eng yuqori ko‘rsatkichdir. IT gigantining bozor qiymati 3,027 trillion dollarni tashkil qilgan. 

Wedbush Securities kompaniyasi tahlilchisi Den Ayvesning fikricha, Apple aksiyalari qimmatlashda davom etadi. Ayvesning hisob-kitoblariga ko‘ra, Apple’ning hozirgi haqiqiy qiymati 3,5 trillion dollarni tashkil qiladi. 2025-yilga kelib, Apple kapitallashuvi hatto 4 trillion dollargacha o‘sishi mumkin.