Asus ZenBook Pro 16X OLED ultrabukning betakror quvvati va jozibali dizayni yorqin g‘oyalar sari intiluvchi va ularni amalga oshirish uchun vosita izlayotgan har bir insonni befarq qoldirmaydi.
ZenBook Pro 16X OLED ultrabuki Asus brendining noodatiy mahsulotlaridan biri hisoblanadi. U turli xil modellarning xususiyatlarini birlashtiradi, biroq ayni paytda bir qator noyob yechimlarni taqdim etadi.
ZenBook Pro 16X OLED kontent yaratish bilan shug‘ullanuvchi mutaxassislarga mos keladi. 3200 x 2000 piksel o‘lchamlariga va 100 foiz DCI-P3 qamroviga ega 16 dyuymli OLED displey video va foto bilan ishlashda qo‘shimcha qulayliklar yaratadi. Bundan tashqari, displeydan stilus yordamida ham foydalanish mumkin.
Noutbuk ochilganda, uning klaviaturali qismi 2 sm yuqoriga ko‘tariladi. Bu ichki qismlarning ventilyatsiyasini yaxshilaydi va klaviatura bilan yanada qulayroq ishlash imkonini beradi. Asus tomonidan ishlab chiqilgan ushbu tizim AAS Ultra deb nomlanadi, u havo oqimini 30% ga oshirish imkonini beradi.
Maxsus dizayn yechimlari Zenbook Pro 16X’ning yagona xususiyati emas. Ultrabuk barcha vazifalarni bemalol bajara oladigan Intel® Core™ i9-13900H protsessori, 32 yoki 64 GB sig‘imga ega LPDDR5-7500 operativ xotirasi va barcha ijodiy orzularnigizni ro‘yobga chiqara oladigan noutbuklar uchun maxsus mo‘ljallangan NVIDIA GeForce RTX 4070 videokartasi bilan jihozlangan.
Yuqorida aytib o‘tganimizdek, Asus ZenBook Pro 16X OLED ijodkorlar uchun bir qator qulayliklarni taqdim etadi. Jumladan, ultrabukka WRGB yoritgichi va Adobe ilovalaridagi turli parametrlarni osonlik bilan boshqarish imkonini beruvchi ASUS Dial apparat boshqaruvchisi o‘rnatilgan. Bu har qanday ijodiy loyihalarni amalga oshirishda yanada qulayroq ishlash imkonini beradi.
Lekin bu hali hammasi emas. Noutbuk shuningdek, yuqori sifati va betakror ovozi bilan ajralib turuvchi Harman/Kardon audiotizimi, qalinligi 17,8 mm bo‘lgan alyuminiy korpusi, katta bug‘lanish kamerasiga ega sovutish tizimi, katta sensorli panel, Windows Hello tizimini qo‘llab-quvvatlovchi Full HD kamera bilan jihozlangan. Batareya quvvati 96 Vt soatni tashkil qiladi, bu esa ultrabukidan 9 soat davomida uzluksiz foydalanish imkonini beradu.
ZenBook Pro 16X OLED ultrabukining yuqori darajadagi sifati MIL-STD 810H AQSh harbiy sertifikati tasdiqlangan. MIL-STD-810H sertifikati mahsulot bir qator jiddiy sinovlardan o‘tganligini ko‘rsatadi.
Reklama huquqi asosida.
Izoh (0)