Muzlatkichda sifati tez o‘zgaradigan mahsulotlarni saqlash kerakligini bilamiz. Bundan tashqari, ayrim mahsulotlar muzlatkichda tursa, yaxshi saqlanadi. Quyida shu mahsulotlar ro‘yxati keltiriladi.
Parfyumeriya
Parfyumeriya issiq yoz oylarida muzlatkichda yaxshi saqlanadi. Xonadagi yoki hammomdagi issiqlik, nam, parfyumeriya mahsulotlarini tashkil etuvchi kimyoviy birikmalarning yo‘q bo‘lishiga olib kelishi mumkin. Sovitkichda harorat barqarorroq bo‘ladi, bu aromatni uzoqroq saqlashga yordam beradi. Shuningdek, sovuqda parfyumeriya nurning to‘g‘ridan to‘g‘ri ta’siridan himoyalanadi, bu esa hidning chidamliligi va sifatiga ta’sir qiladi.
.jpg)
Banan
Banan yaxshi pishgan bo‘lsa, muzlatkichda saqlanishi kerak. Gap shundaki, sovuq harorat bu mevaning pishish jarayonini sekinlashtiradi yoki to‘xtatadi, uni birxil holatda saqlaydi. Banan muzlatkichda bir necha kun davomida saqlanishi mumkin. Boshqa tomondan, pishmagan bananlarni xona haroratida saqlagan ma’qul, chunki sovuq ularning pishishiga to‘sqinlik qiladi. Agar siz ularning pishishini kutmasdan, sovuq haroratda saqlasangiz, bananda achchiq ta’m paydo bo‘ladi.
Kosmetika
Ba’zi kosmetika mahsulotlarini, ayniqsa, tabiiy mahsulotlardan tayyorlangan narsalarni issiq iqlimda saqlasangiz sifati tez yomonlashishi mumkin. Shuning uchun, kosmetika mahsulotlari saqlash muddatini uzaytirish uchun ularni muzlatkichda saqlagan ma’qul. Yuz kremlari, tana losyonlari, shishga qarshi vositalar, quyoshdan himoyalovchi krem va tibbiy kosmetik mahsulotlarni muzlatkichda saqlasa bo‘ladi. Aytgancha, sovitilgan krem teriga yaxshiroq ta’sir qiladi.
Yong‘oq
Deyarli barcha insonlar har xil turdagi yong‘oqlarni xona haroratida, masalan, oshxonada saqlashadi. Biroq bunday sharoitda yong‘oq tarkibidagi sog‘lom to‘yinmagan yog‘lar tezda yo‘q qilinadi, shuning uchun mahsulot achchiq ta’mga ega bo‘ladi. Muzlatkichdagi salqinlik to‘yinmagan yog‘larning parchalanishiga to‘sqinlik qiladi, natijada yong‘oqlar sifati buzilishini sekinlashtiradi.
Yong‘oqni sumkalarda emas, havo o‘tkazmaydigan shisha idishlarda saqlash tavsiya etiladi. Agar siz mahsulotni muzlatkichda saqlasangiz, bunda sizga oddiy sumkalar yordam beradi.
Pishirilmagan makkajo‘xori
Boshoqdagi makkajo‘xori poyadan uzib olinishi bilanoq, xona haroratida yoki yanada issiqroq haroratda saqlansa, shirin ta’mini yo‘qota boshlaydi. Makkajo‘xorini iloji boricha uzoqroq yangi va shirin ta’mi bilan saqlash uchun uni muzlatkichda qopqog‘i yopilgan plastik idishda saqlash kerak.
Dori vositalari
Shuni yodda tutish kerakki, barcha dori-darmonlar salqin, quruq joyda, quyosh nuri va namlikdan uzoqda saqlanishi kerak. Ba’zi dorilar, odatda, maxsus sharoitlarni talab qiladi. Masalan, ba’zi suyuq siroplar, in’eksiya va ba’zi prebiotiklar sovuq muhitni talab qiladi. Agar bunday dorilar xona haroratida qoldirilsa, ular zaharli yoki samarasiz bo‘lishi mumkin. Bundan tashqari, har bir aniq dori uchun saqlash ko‘rsatmalarini o‘qib chiqish juda muhim.
Soya sousi
Soya sousini salqin joyda saqlash kerak emas. Natriyning yuqori miqdori tufayli u xona haroratida buzilmaydi. Biroq sovitilmagan soya sousi bir yoki ikki oydan keyin o‘z ta’mini yo‘qota boshlaydi. Suyuq ziravorlarni muzlatkichda saqlash orqali bu jarayonni sekinlashtirish mumkin.
Arab xurmosi
Arab xurmosi quritilgan o‘rik yoki boshqa quritilgan mevalar kabi qurib qolmaydi. Ularning namligi biroz ko‘proq bo‘lganligi sababli, ushbu meva ta’mi va xushbo‘yligini saqlab qolish uchun muzlatkichda saqlanadi. Agar xurmo xona haroratida saqlansa, unda ularning saqlash muddati taxminan bir yoki ikki oy bo‘ladi. Arab xurmosini muzlatkichda olti oygacha saqlash mumkin.
Bug‘doy uni
Bug‘doy uni ko‘pincha oshxonada yaxshi saqlanadi. U kepak va uning urug‘ini o‘z ichiga olgan bug‘doy donlaridan tayyorlanadi. Bug‘doy urug‘i vitaminlar, ozuqa moddalari va sog‘lom yog‘larga boy bo‘lib, ular vaqt o‘tishi bilan xiralashishi mumkin. Shuning uchun, har qanday don muzlatkichda yaxshi saqlanadi.
Gullar
Gullar vaqti-vaqti bilan muzlatkichga qo‘yilsa, uzoqroq saqlanishi mumkin. Masalan, gullar tunda yoki kunduzi bir necha soat davomida muzlatkichga joylashtirilishi mumkin. Sovuq gullarning so‘lish jarayonini sekinlashtirishga yordam beradi.
Avakado
Avokadoni muzlatkichda saqlash pishish jarayonini sekinlashtirishi va mahsulotning saqlash muddatini uzaytirishi mumkin. Agar sizda pishgan avakado mevasi bo‘lsa, u juda pishib ketmasligi uchun muzlatkichga qo‘ying.
Izoh (0)