O‘zbekiston va Turkiya o‘rtasidagi harbiy va harbiy-texnik sohalardagi munosabatlarni yangi bosqichga ko‘tarishga kelishildi, deb xabar bermoqda Mudofaa vazirligi matbuot xizmati.
Ma’lum qilinishicha, O‘zbekiston mudofaa vaziri general-leytenant Bahodir Qurbonov va Turkiya milliy mudofaa vaziri Yashar Gyuler 23-iyun kuni bo‘lib o‘tgan telefon orqali suhbatda ikki tomonlama hamkorlikning joriy holati va istiqboldagi rejalarni muhokama qilgan.
Muloqot davomida ikki tomonlama harbiy va harbiy-texnik sohalardagi munosabatlarni yangi bosqichga ko‘tarish, jangovar tayyorgarlik va harbiy taʼlim yo‘nalishlarida aloqalarni yanada jadallashtirishga kelishilgan.
Suhbat yakunida O‘zbekiston mudofaa vaziri Turkiya milliy mudofaa vaziri Yashar Gyulerni rasmiy tashrif bilan O‘zbekistonga taklif qildi.
Izoh (0)