Cars analitik korporatsiyasining yaqinda o‘tkazgan so‘rovnomasidan ma’lum bo‘lishicha, amerikalik xaridorlarning katta qismi avtomobil ishlab chiqarish AQSHda yangi ish o‘rinlarini yaratsa, mashinaga ko‘proq pul to‘lashga tayyorligini bildirgan. Korporatsiya tuzgan maxsus indeksda 2023-yilning “eng amerikabop avtomobillari” ajratib ko‘rsatildi.
Ma’lum bo‘lishicha, dastlabki 4 ta o‘rinni AQSHda ishlab chiqarilgan va amerikaliklar eng ko‘p foydalanadigan Tesla avtomobillarining to‘rtala modeli (Model 3, X, Y, S) egallagan. AQSHda eng ko‘p sotilgan avtomobillardan biri Ford F-150 esa reytingda 66-o‘rinni olgan. Ajablanarlisi shundaki, Honda kompaniyasining ikki modeli — Ridgeline va Tundra undan o‘zib ketgan.
Honda yapon konserni bo‘lishiga qaramay, ovoz bilan boshqariladigan avtomobillarni ishlab chiqarishda Amerikaning ehtiyot qismlaridan foydalanadi. Bu Yaponiya kompaniyasiga Ford’ni quvib o‘tishga imkon bergan. Cars hammasi bo‘lib 388 ta mashinani baholadi.
Avvalroq Expocar kompaniyasi Tesla zavodi bilan Rossiya, Birlashgan Arab Amirliklari (BAA) va Qirg‘izistonga elektromobillarni yetkazib berish bo‘yicha shartnoma imzolagani haqida xabar berilgandi. Mashinalar ushbu mamlakatlarga to‘g‘ridan to‘g‘ri yetkazib beriladi. Elektromobillar narxi mamlakatdan mamlakatga farq qiladi, lekin bozordagi o‘rtacha qiymatdan past bo‘ladi.
Izoh (0)