Yevropada gazning iyul fyucherslari narxi keskin ko‘tarilib, ayni damda ming kub metr uchun 550 dollardan oshdi. Bu oxirgi ikki oydagi maksimal ko‘rsatkichdir. Londonning ICE Futures birjasi tegishli ma’lumotni tasdiqladi.
Gaz uchun iyul fyucherslari narxi so‘nggi kunlarda keskin o‘sishda davom etmoqda. Savdo chog‘ida gaz narxi ming kub metr uchun 554,7 dollargacha ko'tarildi, bu o‘tgan savdodan 29,7 foizga yuqori.
Moskva vaqti bilan soat 14:29 ga kelib gaz narxining keskin ko‘tarilishi pasaydi va fyucherslar 515,3 dollarni tashkil qildi.
14-iyun kuni Yevropa energetika bozoridagi birja gaz narxi o‘sish sur’atlarini 16 foizga tezlashtirdi, ming kub metr uchun narx 400 dollardan oshdi.
Yevropa energetika bozorida gaz uchun birja narxlarining o‘sishi iyun oyning birinchi yarmida kuzatildi.
9-iyun kuni London ICE birjasidagi savdolar chog‘ida tabiiy yoqilg‘i narxi ming kub metr uchun 350 dollardan oshgan. Kotirovkalarning umumiy o‘sishi 18 foizdan ortiqni tashkil etdi.
Izoh (0)