Transport vaziri Ilhom Mahkamov O‘zbekiston basketbol federatsiyasi raisligiga saylandi. Bu haqda Milliy Olimpiya qo‘mitasi rasmiy saytida ma’lum qilindi.
15-iyun, payshanba kuni Milliy Olimpiya qo‘mitasida basketbol federatsiyasining navbatdan tashqari hisobot-saylov konferensiyasi bo‘lib o‘tdi.
Federatsiyasining avvalgi rahbari Ruslanbek Davletov boshqa ishga o‘tish munosabati bilan o‘z xohishiga ko‘ra yozgan arizasi ko‘ra lavozimdan ozod etilgan.
Shundan keyin Ilhom Mahkamov nomzodi basketbol federatsiyasi raisi lavozimiga taklif etildi. Ijroqo‘m a’zolari bir ovozdan Mahkamov nomzodini ma’qulladi.
Ilhom Mahkamov 1979 yil Toshkent shahrida tug‘ilgan. Uzoq yillardan beri kommunal sohada, xususan, “O‘zkommunxizmat” agentligining bosh direktori, Vazirlar Mahkamasi Kommunal soha, transport, kapital qurilish va qurilish industriyasi masalalari axborot-tahlil departamenti mudiri sifatida ishlagan. 2021-yilning fevral oyidan beri O‘zbekiston Transport vaziri lavozimida faoliyat yuritib keladi. Shuningdek, Mahkamov 2021-yilning fevralidan beri Uzbekistan Airways rahbari hisoblanadi.
Izoh (0)