Toshkentdagi klinikada ishlaydigan homilador ayol boshlig‘i tomonidan kaltaklanganidan so‘ng, bolasi tushib qolgani aytilgan video ijtimoiy tarmoqlarda tarqaldi. Poytaxt IIBB holat yuzasidan ma’lumot berdi.
Unga ko‘ra, 14-iyun kuni taxminan soat 18:00 larda Chilonzor tumani 6-mavze hududida joylashgan klinika binosida, 1982-yilda tug‘ilgan K.A. va 1982-yilda tug‘ilgan U.X. o‘zaro ish faoliyati yuzasidan tortishib qolib, janjallashib ketgan. Janjal natijasida fuqaro K.A. shifoxonaga murojaat qilgan.
Mazkur holat yuzasidan Chilonzor tumani IIO FMB tomonidan tergovga qadar tekshiruv o‘tkazilmoqda. Natijasi bo‘yicha qonuniy qaror qabul qilinishi ta’minlanadi.
Izoh (0)