OPEN muddatli to’lov xizmati o‘rtacha chekni ko‘paytirib, mijozlarni ko‘proq mahsulot xarid qilishga undaydi, hamda yangi xaridorlarni jalb qilishga yordam beradi.
Future Open Technology Group – bu Markaziy bank litsenziyasiga ega bo‘lgan to‘lov tashkilotidir. Kompaniya moliyaviy texnologiyalar yo‘nalishida 2019-yildan buyon faoliyat yuritadi. Dastlabki uch yil davomida asosiy yo‘nalish bu banklar va riteyl-kompaniyalar uchun dasturiy ta’minotlarni autsors ishlab chiqish bo‘lgan. 2022-yilda kompaniya o‘zining FinTech mahsuloti — muddatli to‘lov xizmatini ishlab chiqish va uni yo’lga qo’yishni boshladi.
OPEN chakana sotuvchilar va xizmat ko‘rsatish korxonalarini hamkorlik qilishga va qo‘shimcha foyda olishga chorlab, ularga maqsadli internet trafik, mahsulot aylanmasining ko‘payishi, hamda yangi sodiq mijozlarni jalb qilishni taklif qiladi.
Foizsiz muddatli to’lov xizmati nafaqat butun dunyoda, balki O‘zbekistonda ham mashhur tendentsiyadir. Raqamlashtirish va bank xizmatlarining rivojlanishi sababli onlayn xaridlarda ham, oddiy do‘konlarda ham muddatli to’lovdan foydalanish mumkin bo‘ldi.
“O‘zbekiston bozorida o‘ziga xos vaziyat yuzaga keldi — hozirda muddatli to’lov xizmatini taklif qilmaydigan yoki bunday mahsulotni ishga tushirishga tayyorlanmayotgan moliyaviy tashkilotni topish qiyin. Doimiy reklama orqali potentsial mijozlar allaqachon muddatli to’lov bo‘yicha bilim va talabga ega bo‘lishdi. Biroq aniq bozor lideri yo‘q. Masalan, Rossiya yoki Belarusda muddatli to’lov kartalari bozorining 90 foizdan ortig‘iga egalik qiluvchi Xalva kartasi mavjud. O‘zbekistonda hali bunday narsa yo'q”, – deydi kompaniya asoschisi Azamat Begaliyev.
Shunday qilib, kompaniya texnik buyurtmalarni bajarishdan o'z mahsulotini – muddatli to’lov xizmatini ishlab chiqarishga o‘tishga qaror qildi. OPEN Agrobank hamkori sifatida foydalanuvchilar uchun qulay interfeysga ega mobil ilovani ishga tushirishga tayyorgarlik ko‘rmoqda, savdogarlar tarmog‘ini kengaytirmoqda va hamkorlariga keng ko‘lamli marketing xizmatlarini taklif qilmoqda.
“Bugungi kunda bizning asosiy mahsulotimiz — bu to‘lov kartasi. Tez orada mobil ilovamiz tayyor bo‘ladi, u orqali foydalanuvchilar to‘lov kartasini ochib, butun mamlakat bo‘ylab do‘konlarda foydalanishlari mumkin. Bizning boshlang‘ich hamkor bankimiz – Agrobank. Shu sababli, OPEN kartasi OPEN+Agrobank tomonidan ko-brend hisoblanadi. Biz Agrobank bilan hamkorlikni yuqori baholaymiz. Bu bank biznesini mukammal tushunadigan va innovatsion loyihalarni amalga oshirishga tayyor professionallar jamoasidir”, — dedi Begaliyev.
Hozirgi kunda O‘zbekistonda bank sektori jadal rivojlanmoqda. Har yili banklarning mijozlari va loyihalari ko‘payib bormoqda, raqobat kuchayib bormoqda, yangi bank mahsulotlarini tez va moslashuvchan tarzda joriy etish talab etilmoqda.
O‘z navbatida, muddatli to’lov xizmati – bu yana bir oddiy bank mahsulotidan ancha ko‘proq xizmat toifasiga kiradi. Mahsulot sheriklar (savdogarlar) keng tarmog‘i, qo‘shma marketing, yakuniy iste’molchiga shaxsiy yondashuvlarni anglatadi.
“Albatta, banklar o‘zlari muddatli to’lov xizmatini ishlab chiqishlari ham mumkin, ammo buning uchun katta kuch va eng muhimi - boshqaruvga e’tibor qaratishni talab qiladi. Shuning uchun biz hamkor banklarga majburiyatlarni oqilona taqsimlash bo‘yicha taklif beryapmiz: OPEN sheriklarni (savdogarlarni) topadi va muzokaralar olib boradi, marketing, reklama, brendni yurg‘izish bilan shug‘ullanadi, bank esa chakana biznesining mohiyati bo‘lgan, ixtisoslashgan yo‘nalishini amalga oshiraveradi – kredit risklarini boshqarish, qarz oluvchini baholash, shuningdek kartalar emissiyasi. Biz, o‘z navbatida, barcha resurslar va e’tiborni faqat to‘lovlarga qaratamiz, boshqa qo‘shimcha jarayonlarga emas. Shunday qilib, biz vazifalarni samarali taqsimladik, natijada har bir sherik o‘zi eng yaxshi bajaradigan ishi bilan shug‘ullanadi”, – dedi loyiha menejeri Lev Nikitin.
Kompaniyaning asosiy va strategik vazifalaridan biri iste’molchilarni jalb qilish, savdogarlar va ularning mahsulotlarini ilgari surish uchun marketing faoliyatini rivojlantirishdir. Kompaniya faol marketing kampaniyasini rejalashtirmoqda. Bu televideniye, radio va tashqi bannerlarda reklama, shuningdek, savdogarlar va ularning mahsulotlari hamda xizmatlarini keng targ‘ib qilishni o‘z ichiga oladi. OPEN xaridlarni rag‘batlantirishga qaratilgan CRM kampaniyalariga alohida e’tibor beradi.
“So‘nggi yillarda potentsial do‘konlar tomonidan loyihamizga qiziqish sezilarli darajada oshganidan mamnunmiz. Biz foydalanuvchiga keng tanlov taklif qilishga intilamiz. Buning uchun biz maishiy texnika, elektronika, zargarlik buyumlari, uzoq muddat foydalaniladigan tovarlar sotuvchilari va sayyohlik agentliklari bilan hamkorlik qilamiz. Mahsulot ishga tushirilgunga qadar biz hamkorlar sonini ko‘paytiramiz va bu ishni doimiy ravishda davom ettiramiz. OPEN sizga katta narsa uchun uzoq vaqt jamg‘arish emas, balki darhol xarid qilish imkoniyatini beradi”, — deya ta’kidlaydi Nikitin.
Boshqa mamlakatlarda olib borilgan tadqiqotlar shuni ko‘rsatdiki, muddatli to’lov olishda o‘rtacha chek o‘z pulingiz bilan sotib olgandan ko‘ra 50-80 foizga yuqori. Ushbu yondashuv sotuvchilarga qimmatroq narsalarni yuqori marja bilan sotish va tegishli mahsulotlarni sotish orqali aylanmani va shunga mos ravishda foydaning o‘zini oshirishga imkon beradi. Shu bilan birga, iste’molchilar muddatli to’lov imkoniyati bor do‘konlarni afzal ko'rishadi. Shunday qilib, OPEN hamkor do‘konga yangi sodiq mijozlarni olib keladi.
OPEN kompaniyasi to‘lov tashkiloti litsenziyasini oldi va bu kompaniyaga muddatli to’lov orqali xarid qilish uchun barcha to‘lovlarni mustaqil ravishda tashkil etish va amalga oshirish imkonini beradi.
Dastur hamkori bo‘lish uchun maxsus to‘lov terminallarini xarid qilish va o‘rnatish, xodimlarga muddatli to’lov xizmatini o‘rgatish shart emas. Bu muddatli to’lov xizmatini yirik rivojlangan chakana savdo tarmog‘iga ham, kichik do‘konga ham teng darajada oson va tez ulash imkonini beradi. Iste’molchi mobil ilova yordamida QR-kodni skanerlaydi va to‘lovni amalga oshirish uchun bitta tugmani bosadi.
Barcha to‘lovlar mobil ilova orqali amalga oshiriladi. Xaridlar uchun to‘lovlar avtomatik ravishda belgilanadi, sotuvchi tomonidan hech qanday harakat talab etilmaydi. Keyingi bank kunida pul hamkor do‘konning hisobiga tushadi.
“Sa’y-harakatlarimizning alohida yo‘nalishi bu jamoa va hamkorlarni qo‘llab-quvvatlash jarayonlaridir. OPEN doirasidagi alohida “advokat-sheriklar” guruhi har qanday sherikning muammosini unga qulay bo‘lgan istalgan kanal – Telegram, chat, telefon yoki elektron pochta orqali hal qila oladi. Agar kerak bo‘lsa, bunday xodim har qanday hamkasbini - IT, yuridik bo‘lim yoki buxgalteriya bo‘limidan tezda ulab bera oladi. Biz hamkorlar bilan bog‘liq barcha muammolarni real vaqt rejimida, ularni ortiqcha kuttirmasdan hal qilinishini ta’minlashga intilamiz”, – deya ta’kidlaydi Nikitin.
Kompaniya korxonalarning faoliyati har xilligini va o‘ziga xos xususiyatlarga ega ekanligini tushunadi, shuning uchun ular uchun moslashuvchan bo‘lishga va sheriklarga individual asosda qulay shart-sharoitlarni taqdim etishga tayyor, birinchi navbatda, bu xarid narxi va komissiyalar bo‘yicha foiz stavkalariga tegishli. Loyiha ishga tushirilgunga qadar kompaniya savdogarlar tarmog‘ini faol ravishda kengaytirmoqda. Shunday qilib, endi kompaniyalar uchun OPEN sheriklari tarmog‘iga ulanish uchun qulay shartlar taqdim etiladi.
Muddatli to‘lov – bu mijoz uchun katta ahamiyatga ega bo‘lgan moliyaviy mahsulotdir. Bu hozirning o‘zida yuqori sifatli va funksional mahsulotlarni sotib olish imkonini beradi. Tadqiqotlar shuni ko‘rsatdiki, mijozlar ushbu qiymatni tushunishadi va bunday xaridlarga katta qiziqish bildirishadi.
Telefon: +998 71 200 15 45
Сайт: opencard.uz
E-mail: hello@opentech.uz
Reklama huquqi asosida.
Izoh (0)