14-iyun, chorshanba kuni Livanning bir palatali parlamenti deputatlari 12-urinishda ham respublika prezidentini saylay olmadi. Bu haqda “Al Hadath” telekanali xabar berdi.
Unga ko‘ra, 2005—2008-yillarda moliya vaziri bo‘lib ishlagan Jihod Azur va xristianlarning “Al-Marada” partiyasi yetakchisi, sobiq ichki ishlar vaziri Sulaymon Toni Franjye birinchi turda kerakli miqdordagi ovozlarni to‘play olmagan.
Livan Milliy Axborot Agentligining ta’kidlashicha, 128 deputatdan 59 nafari Azurga, 51 nafari Franjyega ovoz bergan.
2008—2009-yillarda respublika Ichki ishlar vazirligi rahbari lavozimida ishlagan Ziyod Barudni yetti nafar parlament qo‘llab-quvvatladi, bir deputat Livan armiyasi qo‘mondoni Jozef Aunga ovoz berdi.
Birinchi turda g‘alaba qozonish uchun nomzod ovozlarning uchdan ikki qismini (86), ikkinchisida shunchaki ovozlarning ko‘prog‘ini (65) olishi kerak.
“Al Jadid” kanalining xabar berishicha, shialarning “Amal” va “Hizbulloh” partiyalari deputatlari ovozlarni sanash chog‘ida, ovoz berishning birinchi bosqichi tugashini kutmasdan, majlis zalini tark etgan. Shunday qilib, parlament a’zolari prezidentlik saylovining ikkinchi bosqichini o‘tkazish bo‘yicha kvorumga erisha olmadilar.
Livandagi eng yuqori davlat lavozimi 2022-yil 31-oktabrdan beri — general Mishel Aun olti yillik vakolat muddati tugagach, prezidentlik lavozimini tark etganidan beri bo‘sh turibdi.
Izoh (0)