Ayni vaqtda O‘zbekiston Liberal-demokratik partiyasidan O‘zbekiston prezidentligiga nomzod Shavkat Mirziyoyev xorazmlik saylovchilar bilan uchrashuv o‘tkazmoqda.
Nomzod 2030-yilga qadar maktabgacha taʼlimga bo‘lgan ehtiyoj to‘liq qoplanishi va qamrov hozirgi 79 foizdan 100 foizga yetkazilishini aytdi.
“Shu maqsadda, qariyb 2 trillion so‘m mablag‘ hisobiga 500 ga yaqin yangi bog‘chalar tashkil etiladi. Kelgusi yetti yilda zamonaviy maktablar barpo etish, mavjudlarining quvvatini oshirish hisobiga qo‘shimcha 90 ming o‘quvchi o‘rni yaratiladi.
Natijada, viloyatda o‘quvchisi 30 nafardan ko‘p bo‘lgan sinflar qolmaydi”, — deb taʼkidladi nomzod.
Shavkat Mirziyoyev aholining zamonaviy uy-joyga o‘sib borayotgan talabini qondirish maqsadida, 50 ming xonadonga ega 2 mingta ko‘p qavatli uylar barpo etilishini aytdi.
“Shu bilan birga, 2030-yilga qadar Urganch, Xiva, Pitnak shaharlari, Gurlan, Tuproqqal’a, Hazorasp, Bog‘ot, Xonqa va Yangiariq tumanlaridagi 1 million aholi suv ta’minoti yaxshilanadi. Bunga 100 million dollar yo‘naltiriladi”, — deb ta’kidladi prezidentlikka nomzod.
Izoh (0)