Farg‘ona viloyati Qo‘qon shahrida joylashgan bozorda yirik yong‘in sodir bo‘lgandi. Viloyat hokimligi axborot xizmati “Daryo”ga bozorda yonib ketgan do‘konlar 15 kunda qayta qurib berilishini ma‘lum qildi.
Viloyat hokimligi matbuot kotibining ma‘lum qilishicha, qurilish ishlari 15 kun muddatda yakunlanadi va buning uchun yetarli quruvchilar jalb etiladi. Qurilish ishlari uchun tadbirkorlardan umuman pul olinmaydi. Barcha ishlar bozor ma‘muriyati hisobidan amalga oshiriladi.
“Viloyat hokimligi qurilish ishlari 15 kun muddatda yakunlanishini, buning uchun yetarli quruvchilarning jalb etilishini ta‘minlaydi va nazoratga oladi. Qurilish ishlari uchun tadbirkorlardan hech qanday mablag‘ olinmaydi. Barcha ishlar bozor ma‘muriyati hisobidan amalga oshiriladi, buning uchun ma‘muriyatga yetarli bank krediti taqdim etiladigan bo‘ldi”, — deydi viloyat matbuot kotibi Dilmurod Jumabayev.
Qayd etilishicha, hozirda zarar miqdorini aniqlash ishlari davom etmoqda.
12-iyun kuni soat 19:17 da Qo‘qon shahar Baynalmilal ko‘chasida joylashgan “Buyuk ipak yo‘li” savdo kompleksi hududidagi do‘kon rastalarida yong‘in sodir bo‘layotgani to‘g‘risida FVBga xabar kelib tushgan.
Shunga asosan 10 ta yong‘in-qutqaruv ekipaji soat 19:25 da voqea joyiga yetib borgan. Yong‘in-qutqaruv bo‘linmalari tomonidan ko‘rilgan tezkor harakatlar natijasida yong‘in 20:25 da qurshab olinib, soat 23:30 da bartaraf etilgan.
Izoh (0)