Yevropa Chempionlar Ligasi finalida “Inter”ni mag‘lub etgan “Manchester Siti” o‘z tarixida birinchi marta trebl qayd etdi. Shundan so‘ng jamoaning ba’zi futbolchilari (ularning orasida Erling Holand bo‘lgan, Kevin de Bruyne va Ilkay Gundo‘g‘an esa bo‘lmagan) Portugaliyaning Ibitsa shahriga jo‘nab ketgan.
12-iyun, dushanba kuni jamoa bayramni muxlislar bilan birga nishonlash uchun to‘liq tarkibda Manchester shahriga yetib keldi va chempionlik paradi o‘tkazildi.
Yomg‘ir va bo‘ron haqida ogohlantirishlar tufayli start biroz kechiktirildi. Ammo hech kim bunday hodisani o‘tkazib yuborishni rejalashtirmagandi. Bayram avtobusdan oldin, tramvay ichida boshlandi.
Bayramning bosh qahramoni — Jek Grilish. Bu oqshom angliyalik futbolchi uchun atalgandi. “U hamma narsani ichib yubordi”, — degandi finaldan so‘ng Xulian Alvarez Jek Grilish haqida.
Trebl qayd etgan “Manchester Siti” futbolchilari surati shahar ko‘chalariga ham tushirildi.
Manchesterda yomg‘irli ob-havo hukmron bo‘lganiga isbot.
Izoh (0)