Belarus prezidenti Aleksandr Lukashenko Moskvadagi harbiy paradda sog‘lig‘i yomonlashgani haqidagi mish-mishlarga izoh berib, ularni aqlbovar qilmaydigan ahmoqlik deb atadi. Bu haqda BelTA xabar berdi.
Siyosatchi 9-may kuni Moskvaga Qizil maydondagi paradda ishtirok etish uchun tashrif buyurgandi, biroq paraddan tashqari boshqa rasmiy tadbirlarda ishtirok etmagan.
Keyinchalik u sayohat paytida adenovirus bilan kasallanganini va “o‘lishga hozirlik ko‘rmaganini” aytdi. Siyosatchi mazkur virus koronavirus kabi yuqumli emasligi, lekin yaxshi va yoqimli ham emasligini aytdi. U butunlay tuzalib ketishi uchun uzoq vaqt kerak bo‘lishini bildirdi.
“Yozilganlarning hammasi yolg‘on. Men oyoqda edim, yugurdim, sakradim, hatto xokkey o‘ynadim. Meni Moskvaning Markaziy klinik shifoxonasiga olib borishgani haqida yozganlaringiz, hatto mazkur Markaziy klinik shifoxonaning qayerdaligini ham bilmayman aqlbovar qilmaydigan ahmoqlik. Agar menga yordam kerak bo‘lsa, bir necha soat ichida Putin o‘sha Markaziy klinik shifoxonadan o‘nlab shifokorlarni yuborardi”, — dedi Lukashenko.
Belarus prezidenti kasallikdan so‘ng birinchi marta 15-may kuni omma oldiga chiqqandi. Jurnalistlar prezident aks etgan tasvirlarda uning chap qo‘li bint bilan mahkam bog‘langanini payqagan.
Izoh (0)