Mirobod tumani hokimi Shuxrat Pulatov “Hududiy elektr tarmoqlari” AJ Toshkent shahar filiali bosh direktori lavozimiga tayinlandi. Bu haqda “Hududiy elektr tarmoqlari” AJ matbuot xizmati xabar berdi.
Unga ko‘ra, 12-iyunda “Hududiy elektr tarmoqlari”da elektr energetika tizimini yanada isloh qilish masalalariga bag‘ishlangan videoselektor yig‘ilishi o‘tkazildi. Majlisda sohadagi mavjud kamchiliklar tahlil qilinib, iste‘molchilarga barqaror elektr energiyasi yetkazib berishda elektr tarmoqlarini raqamlashtirish ustuvor vazifa sifatida belgilandi hamda bu borada zarur choralar ko‘rish yuzasidan tegishli ko‘rsatmalar berildi.
Yig‘ilishda tashkiliy masala ham ko‘rib chiqildi. “Hududiy elektr tarmoqlari” boshqaruv raisining Elektr tarmoqlaridan foydalanish bo‘yicha birinchi o‘rinbosari lavozimiga Agzam Izbosarov tayinlandi. Tayinlovga qadar Agzam Izbosarov Qurolli kuchlari bosh shtabi Aloqa boshqarmasi boshlig‘i lavozimida ish olib borgan.
Ayni kungacha Mirobod tumani hokimi lavozimida ishlab kelayotgan Shuxrat Pulatov “Hududiy elektr tarmoqlari” Toshkent shahar filiali bosh direktori lavozimiga tayinlandi.
Kengaytirilgan yig‘ilishda Bosh vazir Abdulla Aripov ishtirok etdi.
Izoh (0)