Rossiya mudofaa vaziri Sergey Shoygu barcha xususiy harbiy kampaniyalarga 1-iyulgacha Mudofaa vazirligi bilan shartnoma imzolashni buyurdi. “Vagner” rahbari Yevgeniy Prigojin esa bunga qarshi chiqdi.
Shoygu imzolagan farmonga ko‘ra, barcha “ko‘ngilli otryadlar” “ulardan foydalanish samaradorligini oshirish maqsadida” 1-iyulgacha Mudofaa vazirligi bilan shartnoma imzolashi shart. Bu chora-tadbirlar “qurolli kuchlar va ko‘ngilli otryadlarning ularning tarkibidagi jangovar imkoniyatlari va ulardan foydalanish samaradorligini oshirishi aytilgan.
Prigojin buyruqqa qarshi
Prigojinning ta’kidlashicha, “Vagner” jangchilari Mudofaa vazirligi bilan shartnoma imzolamaydi
“Shoygu tuzgan buyruq va farmonlar Mudofaa vazirligi xodimlari va harbiy xizmatchilarga tegishli. ‘Vagner’ Shoygu bilan hech qanday shartnoma imzolamaydi”, — dedi Prigojin.
Unga ko‘ra, “Vagner” o‘z harakatlarini o‘ngdagi, chapdagi generallar, bo‘linma komandirlari bilan muvofiqlashtiradi va chuqur tajribaga ega “yuqori samarali” tuzilmadir.
“Afsuski, aksariyat harbiy qismlar bunday samaradorlikka ega emas va aynan Shoygu harbiy tuzilmalarni normal boshqara olmaydi”, — dedi Prigojin.
Yollanma jangchilar vazirlik bilan shartnoma imzolashdan bosh tortgani sababli ularga qurol va o‘q-dorilar berilmasligi mumkin.
“Momaqaldiroq boshlanganda yordam so‘rab qurol va o'q-dorilarni olib kelishadi. Bo‘ysunishga kelsak, albatta,‘Vagner’ Rossiya Federatsiyasi va Oliy Bosh Qo‘mondonning manfaatlariga mutlaqo bo‘ysunadi”, — dedi u.
Izoh (0)