Buxoro viloyati Kogon tumanidagi “Geofizika ekspeditsiyasi” korxonasida yana yong‘in sodir bo‘ldi. Bu haqda viloyat FVB axborot xizmati xabar berdi.
Unga ko‘ra, 11-iyun kuni soat 12:37 da Kogon shahar FVB dispetcherlik xizmatiga Kogon tuman “Geofizika” MFY hududida joylashgan “Geofizika ekspeditsiyasi” korxonasi binosida yong‘in sodir bo‘lganligi to‘g‘risida xabar berilgan.
Xabarga asosan voqea joyiga jami 6 ta yong‘in qutqaruv avtoekipaji jalb etildi. Voqea joyiga soat 12:43 da yetib borib, soat 13:16 da to‘liq batamom o‘chirildi. Yong‘in natijasida binoning 40 kv/m maydonda tom osti yog‘och qurilmalari yongan.
Yong‘inning kelib chiqish sababi va moddiy zarari yong‘in texnik ekspertlari tomonidan aniqlanmoqda. Yong‘in natijasida fuqarolarning kuyish va halok bo‘lish holatlari qayd etilmadi.
Bundan avval ham 4-iyun kuni mazkur korxonada yong‘in sodir bo‘lib, unda 50 kv/m tom qismi yongan edi.
Izoh (0)