Dunyo

Yahudiylar ishtirok etgan to‘y, Simba laqabli shalpangquloq echki, tutun ichida qolgan Ozodlik haykali — hafta suratlari

10 iyun, 21:25 10199

Hafta davomida dunyoning turli burchaklaridan olingan sara suratlarni e’tiboringizga havola qilamiz.

Karachi shahridagi Simba laqabli g‘ayrioddiy uzun quloqli echki, Pokiston.

2023-yil 6-iyun kuni Kanadadagi o‘rmon yong‘inlari oqibatida tuman va tutun bilan qoplangan Ozodlik haykali, Nyu-York.

3-iyun kuni Hindiston sharqidagi Odisha shtatining Balasor tumanida ikki yo‘lovchi poyezd to‘qnashuvidan so‘ng relsdan chiqib ketgan vagonlarning drondan olingan surati. Halokat oqibatida kamida 288 kishi halok bo‘ldi, 1200 kishi yaralandi

Rossiya-Ukraina chegarasi yaqinidagi aholi punktlari o‘qqa tutilganidan keyin evakuatsiya qilingan fuqarolar vaqtinchalik joylashtirish markazida yashamoqda.

Brandenburgdagi oltinrang bo‘zdog‘lar, Germaniya.

Qo‘shma Shtatlardagi “Kanzas-Siti Royals” va “Kolorado Rokkiz” o‘rtasidagi beysbol o‘yinidan keyin.

Bangkok yaqinidagi Pathum Tani provinsiyasida Buddaning tug‘ilishi, ma’rifati va o‘limi munosabati bilan har yili nishonlanadigan Vesak kuniga bag‘ishlangan marosimdagi Vat Phra Dhammakaya ibodatxonasining ko‘rinishi,

Odisha shtati Balasor tumanidagi poyezd to‘qnashuvidan so‘ng vaqtinchalik o‘likxona yaqinidagi avtorikshada yig‘layotgan halokat qurbonlarining qarindoshlari.

Ultra-pravoslav yahudiylar Quddusdagi to‘y marosimida ishtirok etmoqda.

Parijda bo‘lib o‘tayotgan tennis bo‘yicha Fransiya ochiq chempionati.

Qutqaruvchilar Hindiston sharqidagi Odisha shtati Balasor tumanida poyezd to‘qnashuvi sodir bo‘lgan joyda omon qolganlarni qidirmoqda.

Ispaniyaning Sabusedo qishlog‘idagi “Rapa das Bestas” festivalida yovvoyi otni qo‘lga o‘rgatayotgan erkak.

Pragadagi teatr va sahna dizayni festivali ishtirokchilari.

Kanadadagi o‘rmon yong‘inlari tufayli Vashingtonni tutun qopladi.

Xitoyning Chjanszyakou shahridagi tulki bolasi.