Yangi uyga ko‘chib o‘tsak, bu joyni imkon qadar tezroq haqiqiy shinam xonadonga aylantirishni istaymiz. Quyidagi jihozlar hamyonbop bo‘lishi bilan birga bir zumda har qanday uyni kutilmagan darajada o‘zgartirib, o‘ziga xos uslub yaralishi uchun hissa qo‘shadi.
Tekstil mahsulotlari
Siz ba’zi narsalarni sotib olmoqchi emassiz, lekin kundalik hayotingizni qulay qiladi. Sizga nima kerak bo‘lishi mumkinligini yozing:
- bir necha o‘lcham va shakldagi divan uchun yostiqchalar;
- kreslo ustiga qo‘yiladigan yostiqchalar;
- har xil ob-havo uchun turli to‘qima va o‘lchamdagi bir nechta adyol;
- choyshab;
- xohishga qarab derazalar uchun tyul;
- uy hayvonlari uchun to‘shak;
- oshxonadagi stullar uchun yostiqchalar yoki qoplamalar;
- oshxonadagi sochiqlar;
- dasturxon va qo‘l artish uchun sochiqlar.
Foto: “Noviy ochag”
Chiroqlar
Ish stoli va oshxonadagi chiroqlardan tashqari yorug‘ligi baland bo‘lgan chiroqlar kerak emas. Boshqa joylarda sarg‘ish rangga ega bo‘lgan lampochkani o‘rnatgan ma’qul. Yoritishning turli “ssenariylarini” rejalashtirib, pul va kuch sarflamang.
Bundan tashqari, uyning alohida burchaklarini ajratib ko‘rsatishingiz, gulchambarlarni osib qo‘yishingiz, tungi chiroq va dekorativ lampalarni o‘rnatishingiz mumkin — bu yog‘i xohish va didingizga havola. Esingizda bo‘lsin — xiraroq chiroqlar uyingizni qanchalik yoritib tursa, u shunchalik shinam bo‘ladi.
Ko‘zgu
Katta bo‘lmagan uyga shinamlik qo‘shishning ko‘zgulardan ko‘ra yaxshiroq usuli yo‘q. Ular kunduzi yorug‘lik beradi va kechalari sirli porlashni hosil qiladi. Ko‘zgular tufayli har qanday xona kattaroq ko‘rinadi.
Suratlar
Plakatlar, suratlar, eskizlar. Sinab ko‘ring: devor dekorasi ichki dunyoyingizni aks ettirsin. Mashhur rassomlar surati bilan farzandingiz chizgan suratni ham yonma-yon ilib qo‘yishingiz mumkin. Maxsus ixtisoslashgan saytlarda yoki ularning ijtimoiy tarmoqlarida yosh rassomlarning asl rasmlarini arzon narxda sotib olsangiz yoki buyurtma bersangiz bo‘ladi.
O‘simliklar
Yashillik — uyning tirik yuragi. Xarid qilish uchun ko‘p pul sarflashning hojati yo‘q: gul sotuvchilar ko‘pincha metro yaqinida turishadi, shuningdek, gullar bepul e’lonlar saytlarida sotiladi. Shuningdek, o‘simliklarni ijtimoiy tarmoqlardagi maxsus guruhlar orqali sotib olish mumkin.