Yevropa Ittifoqida hozirda Rossiyaga qarshi Yevropa sanksiyalarini buzish bo‘yicha 230 ta tergov harakatlari olib borilmoqda, dedi Yevrokomissar Didye Reynders Yevropa Ittifoqining Adliya bo‘yicha kengashi yig‘ilishi yakunlari bo‘yicha matbuot anjumanida.
“Biz muzlatib qo‘yilgan aktivlar bo‘yicha ishchi guruh faoliyatini ham muhokama qildik... Yevropa Ittifoqi sanksiyalar ro‘yxatidagi jismoniy shaxslar va kompaniyalarning 24,3 milliard yevro miqdoridagi aktivlarini muzlatib qo‘ydi.
Shuningdek, bugun biz Yevropa Ittifoqi hududida sanksiyalarni buzgani uchun 230 ta tergov harakatlari olib borilayotganini tasdiqladik”, — dedi u.
Yevrokomissarning so‘zlariga ko‘ra, “muhokama, shuningdek, Ukraina uchun resurslar ishlab chiqarishda Rossiya suveren aktivlaridan foydalanish haqida bo‘lgan. Shu kungacha YIga a’zo davlatlar Rossiya Markaziy bankining 200 milliard yevrodan ortiq immobilizatsiya qilingan aktivlari haqida xabar berishgan”.
Izoh (0)