Rossiya va Xitoy 2023-yilda qo‘shma harbiy mashg‘ulotlar o‘tkazadi. Bu haqda 9-iyun kuni ikki davlat armiyasi generallarining virtual uchrashuviga tayanib, CNN xabar berdi.

Ma’lum qilinishicha, Xitoy Markaziy harbiy kengashi qo‘shma shtabi boshlig‘i Rossiya Qurolli kuchlari Bosh shtabi boshlig‘i Valeriy Gerasimov bilan videokonferensiya o‘tkazdi. Suhbat ikki davlat mudofaasi sohasida ”fikr almashish”, shuningdek, ikki armiya o‘rtasidagi “hamkorlikni” chuqurlashtirish maqsadida tashkil etilgani aytilmoqda.

Rossiya va Xitoy 6-iyun kuni Yapon dengizi ustida havo kuchlarining harbiy mashg‘ulotlarini o‘tkazgandi. Jurnalistlar Xitoy G‘arb bilan qarama-qarshilik fonida Rossiyani asosiy hamkor deb biladi. U Ukrainaga hujumni qoralash yoki rus qo‘shinlarini olib chiqishga chaqirishdan bosh tortgan.

Ma’lumot o‘rnida, Rossiya va Xitoy o‘rtasidagi o‘zaro tovar ayirboshlash hajmi 2023-yilning yanvar-may oylarida 93,8 milliard dollardan oshgan, bu o‘tgan yilning shu davriga nisbatan 40,7 foizga yuqori.

Rossiya Ukrainaga bostirib kirganidan beri G‘arbning sanksiyalariga duchor bo‘ldi va jahon iqtisodiyotining ko‘p qismidan chetda qoldi.

Ammo shimoliy qo‘shnisi bilan do‘stligida “chegara yo‘q” deb e’lon qilgan Xitoy, uning global moliya tizimidan haydalishi ta’sirini yumshatib, Kremlni iqtisodiy hayot yo‘liga qaytardi.