Tom Xenks o‘zining 40 yillik kino faoliyati davomida 100 dan ortiq filmlarda rol o‘ynagan. Aktyor yaqinda bergan intervyusida o‘zi ishtirokidagi ba’zi loyihalarni yomon ko‘rishi haqida gapirib berdi.
“To‘g‘risini aytish kerak, barchamiz o‘zimiz yomon ko‘radigan filmlarni ko‘rganmiz. Men yomon ko‘radigan filmlarimda suratga tushganman. Siz ham mening ishtirokimdagi filmlarni ko‘rgansiz va ularning ba’zilarini yomon ko‘rasiz”, — deydi Xenks.
Aktyor bu filmlarning nomini birma-bir sanab bermagan, biroq filmlarga munosabatini qanday mezonlar asosida shakllantirayotgani haqida batafsil gapirgan.
Xenksning so‘zlariga ko‘ra, beshta shartli yoki real chegara mavjud bo‘lib, ularning kesishuvi oqibatlarini oldindan aytib bo‘lmaydi va buni film yaratishda ishtirok etgan har bir kishi boshdan kechiradi.
- Birinchisi — filmda suratga tushish uchun “ha” javobini aytganingizda. Sizning taqdiringiz hal bo‘ladi. Ushbu filmni tanlagan bo‘lasiz va uning ustida ishlashingizga to‘g‘ri keladi.
- Ikkinchisi — o‘zingiz ishtirok etgan filmni tomosha qilganingizda. Barchasi amalga oshadi va loyiha siz ishlashni istagan film bo‘ladi yoki biror narsa ish bermasdan bu siz orzu qilgan kino bo‘lmaydi.
- Buning boshqa mezonlar bilan hech qanday aloqasi yo‘q. Tomoshabinlarning reaksiyasi, “xalq ovozi” ham ahamiyatga ega. Ayrim tomoshabinlar bu film ularga yoqmaganini aytadi, boshqalarga esa bu yoqadi. Filmning aslida qanday chiqqanini bu fikrlar belgilab beradi.
- To‘rtinchisi — tijoriy jihati. Agar film daromad olib kelmasa, karyerangiz tezda qulaydi. Bu shunchaki fakt. Bu biznes.
- Beshinchisi — vaqt.
Xenks vaqt sinovidan o‘tgan filmga misol sifatida 1996-yilda o‘zi rejissorlik qilgan, ssenariysini yozgan va bosh rolni ijro etgan “Siz nima qilyapsiz?” loyihasini keltirdi.
Aktyorning so‘zlariga ko‘ra, dastlab ushbu film keng jamoatchilik va tanqidchilar tomonidan baholanmagan, kassada muvaffaqiyat qozonmagan, biroq hozirgi kunda “Siz nima qilasiz?” filmi “Tom Xenksning kult klassikasi” deb nomlanadi.
Henks ishtirokidagi so‘nggi filmlaridan biri Ues Andersonning Kann kinofestivalida premyera qilingan “Asteroidlar shahri” yangi loyihasidir.