Prezident matbuot kotibi Shavkat Mirziyoyevning Italiyaga tashrifi ahamiyati xususida intervyu berib, Italiya O‘zbekistonning G‘arbiy Yevropadagi ilk strategik hamkori ekanini ta‘kidladi.

Prezident matbuot kotibining so‘zlariga ko‘ra, mazkur tashrif tashrif jihatdan rasmiy, ahamiyati jihatidan tarixiy tashrifdir. Sababi ikki davlat rahbarlari 2020-yildan buyon ilk bor oliy darajada uchrashmoqda.

“Italiyaga bo‘layotgan rasmiy tashrif prezidentimizning faol va pragmatik tashqi siyosatlarining amaldagi ifodasi, deb atasak bo‘ladi. Mazkur tashrif jihatdan rasmiy, ahamiyati jihatidan tarixiy tashrifdir. Sababi ikki davlat rahbarlari 2020-yildan buyon ilk bor oliy darajada uchrashmoqda. Ikki davlat munosabatlarida 2016-yilgacha mavjud bo‘lgan bo‘shliq prezidentimizning sa‘y harakatlari bilan oxirgi yillarda sifat nuqtayi nazaridan ham, natijadorlik nuqtayi nazaridan ancha to‘ldirildi. Bu sa‘y-harakatlarning mantiqiy davomi bugungi tashrifning asosiy natijasi, ya‘ni O‘zbekiston Italiya munosabatlarning strategik ko‘tarilishidir. Italiya O‘zbekistonning G‘arbiy Yevropadagi ilk strategik hamkoridir. Italiya bosh vaziri Jorja Meloni prezidentimiz bilan suhbat davomida: “Biz sizning islohotlaringizga va siyosatingizga ishonganimiz uchun hamkorligimizni strategik darajaga ko‘tarishga qaror qildik” degan gaplarini alohida taʼkidlash joiz.
”, — deydi Sherzod Asadov.