Irlandiya hukumati orollarni rivojlantirish bo‘yicha o‘n yillik “Tirik orollar” dasturini joriy qildi. Bu 23 ta aholi yashaydigan orollardagi 80 ta jamoaga katta infratuzilma investitsiyalarini o‘z ichiga oladi.
Oxirgi 27 yil ichida ushbu hududlar aholisi qariyb 13 foizga qisqarib, 2700 kishiga yetdi. Hukumat odamlarni orolda yashashga ko‘chib o‘tishga undamoqchi, shuning uchun bo‘sh yoki yarim tashlandiq uylarni tiklash uchun grantlar joriy qildi.
Yangi “Kroi Konaize” moliyalashtirish sxemasiga ko‘ra, uy egalari binoni ta’mirlash xarajatlarini qoplash uchun subsidiyalar oladi. Bu Irlandiya materikidagi va orollardagi mulklarga taalluqlidir, ammo oroldagi uy-joylarni ta’mirlash uchun grantlar 20 foiz yuqori bo‘ladi. Sababi logistika qiyinchiliklari tufayli orollarda qurilish ishlarining narxi yuqori.
Irlandiyadagi orolda uy sotib olmoqchi bo‘lgan kishi 60 mingdan 84 ming yevrogacha tovon puli olishi mumkin, bu miqdor binoning qanchalik eskirganiga bog‘liq bo‘ladi. Xususan, yangi mulkdorlar oroldagi uy-joy ularning asosiy yashash joyi ekanini tasdiqlovchi hujjatlarni taqdim etishi kerak.
Shuningdek, “Tirik orollar” dasturi doirasida hukumat ushbu jamoalarning infratuzilmasiga sarmoya kiritadi. Rasmiylar yo‘llarni yaxshilaydi, odamlar masofadan turib ishlashi uchun yuqori tezlikdagi Internet o‘rnatadi, odamlarni tekshirishlari mumkin bo‘lgan avtomatlashtirilgan sog‘liqni saqlash kabinalarini o‘rnatadi.
Irlandiya qishloq va jamoat taraqqiyoti vaziri Xizer Xamfrisning aytishicha, 1,9 million dollarlik birinchi raund asosan 5 ta jamoaga — Slaygo, Donegal, Meyo, Golvey va Korkka yo‘naltiriladi.
Hukumat rejasi ikki bosqichdan iborat bo‘lib, birinchisi keyingi uch yil ichida faollashtiriladi, u yanada dolzarb muammolarni hal qilishga qaratilgan. Ikkinchisi uzoq muddatli va 10 yilga moliyalashtiriladi. Vazir “Tirik orollar” rejasi jamiyatlarni yorqin va barqaror kelajakka rag‘batlantirishga qaratilganini aytmoqda.
Izoh (0)