Ukraina urush tugaguniga qadar NATOga a’zo davlatlarning qo‘shinlarini hududiga kiritmaydi. Bu haqda Ukraina tashqi ishlar vaziri Dmitriy Kulebaga tayanib, “Yevropeyskaya pravda” xabar berdi.
“Ukraina hududidagi qurolli mojaro tugamaguncha, xorijiy davlatlar o‘z qo‘shinlarini davlatimiz hududiga kiritmaydi. Qolaversa, biz buni talab qilmaymiz. Biz, qurol bering, o'zimiz ular bilan jang qilamiz, deymiz”, — dedi Kuleba.
U Ukraina NATOga qo‘shilgandan so‘ng, ukrain armiyasi mudofaa uchun alyansning boshqa mamlakatlariga joylashtirilishini qo‘shimcha qildi.
Ukrainaga F-16 qiruvchi samolyotlari berilishini izohlar ekan, TIV rahbari bu amalga oshishi, lekin avvalo mashg‘ulotlar jarayonini tashkil etish va boshqa masalalarni hal qilish zarurligini bildirdi.
Shuningdek, Kuleba Ukrainaning NATOga a’zoligi urushni to‘xtata olmasligini, ammo bu yangi urushlarning oldini olishini qo‘shimcha qildi.
Izoh (0)