Toshkent viloyati Toshkent tumanida kanalda oqib ketgan 5 yoshli bolaning jasadi topildi. Bu haqda “Daryo”ga Bosh prokuratura axborot xizmati rahbari Hayot Shamsutdinov ma’lum qildi.
Bola 3-iyun kuni yashash uyining old tomonidan oqib o‘tuvchi Zaxariq kanaliga ehtiyotsizligi oqibatida tushib ketib, oqib ketgandi. Uni qidirib topish bo‘yicha olib borilgan barcha zarur tezkor choralar natijasida bolaning jasadi 7-iyun kuni topilgan.
Bundan bir necha kun avval Toshkent viloyatining Yangiyo‘l shahridan oqib o‘tuvchi Jo‘nariq kanalida 16 yoshli bola cho‘kib ketgandi. Uning jasadi bir kun o’tib, 4-iyunda topilgan.
Farg‘ona viloyati Qo‘shtepa tumanida esa 25-may kuni Katta Farg‘ona kanaliga cho‘milishga borgan maktab bitiruvchilaridan biri suvdan qaytib chiqmagan. 9 kun davomida qidiruv ishlari natijasida uning jasadi 3-iyun kuni topilgan.
Izoh (0)