O‘zbekistonda may oyida Wonder Women xalqaro hamjamiyati Kotex brendi bilan birgalikda xotin-qizlarni qo‘llab-quvvatlash maqsadida “Demak, men ham qila olaman!” nomli tashabbus o‘z nihoyasiga yetdi.
Loyihaning asosiy maqsadi — xotin-qizlarning hayotiy misollari orqali o‘zlarini namoyon qilishlari uchun imkoniyatlar doimo borligini ko‘rsatib berishdir. Bunda asosiysi qo‘rqmaslik, dadillik va harakatda bo‘lishdir, chunki natijaga — faqat intilish bo‘lgan joyda erishiladi.
Oliy taʼlim, fan va innovatsiyalar vazirligi ko‘magida O‘zbekistonning qator davlat universitetlarida tashkil etilgan “Wonder Women Talks” turkumidagi ommaviy maʼruzalar loyihaning muhim qismi bo‘ldi. Mamlakatdagi muvaffaqiyatli ayollarning yorqin namunalari, fikr yetakchilari, Wonder Women vakillari talabalar bilan bilan uchrashishdi.
Jumladan, Farg‘ona va Samarqand davlat universitetlarida jami 400 dan ortiq talaba ishtirok etgan tadbirlarda inson huquqlari bo‘yicha huqushunos Dilfuza Kuralova va Samarqandda tug‘ilgan va hozirda O‘zbekistondagi Amerika Savdo Palatasi ijrochi direktori lavozimida ishlab kelayotgan Tatyana Bistrushkina ilhomlantiruvchi hikoyalar bilan o‘rtoqlashishdi.
Poytaxtimizda Nizomiy nomidagi Toshkent Davlat Pedagogika Universitetida 500 nafar talaba va o‘qituvchilar uchun ham shunday uchrashuv bo‘lib o‘tdi. Unda Oliy taʼlim, fan va innovatsiyalar vazirligi bo‘lim boshlig‘i Fazilat Qodirova va Osiyo taraqqiyot banki matbuot kotibi Nargiza Aliqulovalar uch farzandli onalari bo‘lishiga qaramay, o‘zlarining ilhomlantiruvchi hikoyalari bilan o‘rtoqlashdilar va farzandlari qanday qilib ilm izlanishga, taraqqiyotga va kasbiy muvaffaqiyatga undashlari mumkinligini namoyish etdilar.
“Universitet talaba qizlarining ko‘zlarida olovni ko‘rish - bu bebahodir. Har safar tadbir so‘ngida qizlar bizni uzoq vaqt qo‘yib yuborishmas, suhbatlashishni, maslahat va madad olishni istashardi. Ana shunday damlarda biz ayollar uchun qo‘llab-quvvatlashga bo‘lgan talab naqadar yuqori ekanini tushunamiz”, — dedi Wonder Women hamjamiyati asoschisi Rada Islamova. “Qatnashchilar yoshi va madaniy jihatidan butunlay xilma-xil bo‘lishiga qaramay, ularni bir narsa – ilm olish va rivojlanish istagi borligini ko‘rish ko‘nglini to‘ldirdi. Biz yana bir bor amin bo‘ldikki, agar ayollar bir-birini qo‘llab-quvvatlasa, ular ko‘p narsaga qodirdir”, - deya qo‘shimcha qildi Rada.
“Odamlar nima deydi?” deb nomlangan va Wonder Women Instagram sahifasida (@wonderwomenhub) efirga uzatilgan video hikoyalar turkumi ham loyihaning muhim qismi bo‘ldi.
Uch nafar qahramon ayol o‘z misolida platformalaridagi video tarixlarida ayol kishi xohishini boshqalarning fikridan qo‘rqmay qanday ro‘yobga chiqarishi mumkinligini gapirib beradi.
Ular Samira Latipova — O‘zbekistondagi yirik oziq-ovqat yetkazib berish xizmatlarini ko‘rsatuvchi Yexrress24ʼda Product Owner, Nargiza Alikulova — uch farzandning onasi, ijodkor shaxs va Osiyo taraqqiyot banki vakolatxonasining matbuot kotibi, Maftuna Axadova — Toshkentdagi Impact.T Technology Hub, IT-xab va kovorking boshqaruvchisi. Ularning O‘zbekistonda eng keng tarqalgan stereotiplar haqidagi hikoyalari:
- agar ishlaydigan ona bo‘lsangiz, unda siz yomon onasiz;
- turmush qurgan bo‘lsangiz va ishlayotgan bo‘lsangiz, eringiz kasbiy o‘sishingizni qo‘llab-quvvatlamaydi;
- agar siz turmush qurmagan bo‘lsangizu, lekin o‘z karyerangiz bilan shug‘ullanayotgan bo‘lsangiz, sizning xohishingiz jiddiy qabul qilinmayapti va qarindoshlaringiz bir vaqtning o‘zida sizga er izlayotgan bo‘lishadi.
Qayd etish joizki, aksiya KOTEX brendi tomonidan qo‘llab-quvvatlandi. Marina Koyshigulova, katta brend menejeri shunday dedi: “Bizning jamiyatimizda ayollar va ularning mavqei bilan bog‘liq bo‘lgan tabu mavzular hali ham ko‘p. O‘tgan yili biz birinchi marta Wonder Women jamoasi bilan tanishdik. Bizda qadriyatlar, shuningdek, maqsad va vazifalar bo‘yicha ko‘plab o‘xshash tomonlar mavjud. Wonder Women yaxshi kun tartibiga ega, u KOTEX brendini juda qiziqtiradi va uni qo‘llab-quvvatlashdan mamnunmiz. Biz uzoq vaqt davomida ayollarning salohiyatini ro‘yobga chiqarishga qaratilgan loyihalarni amalga oshirish uchun qadriyatlarimizni ulashadigan sherikni izlaganmiz - va Wonder Women hamjamiyati bu rolga juda mos keldi va bizga ayollarning haqiqiy hikoyalarini taklif qildi. Shuning uchun biz ushbu loyihani birgalikda amalga oshirmoqdamiz”.
Bu kabi maxsus loyihalar orqali xotin-qizlarni chindan o‘ylantiradigan va o‘z tafakkurini o‘zgartirishga qaratilgan mavzularni ko‘tarishga va harakatga chorlashga yordam beradi. Bugungi kunda Wonder Women hamjamiyati 40 ta mamlakat va 140 ta shahardan 10 mingdan ziyod xotin-qizlarni birlashtirdi.
Wonder Women veb-sahifasi: wonderwomenhub.com
Kotex veb-sahifasi: kotex.uz
Reklama huquqi asosida.
Izoh (0)