Afg‘onistonning Badaxshon shahri Fayzobod markazidagi masjidda portlash sodir bo‘ldi. Bu haqda Aamaj News xabar berdi.
Hodisa avvalgi teraktda halok bo‘lgan gubernator o‘rinbosari Nisor Ahmadiyning dafn marosimi o‘tkazilayotgan “Nabaviy” masjidida yuz bergan. Terakt nishoni “Tolibon”ning yuqori martabali qo‘mondonlaridan biri va Bag‘lon politsiyasining sobiq boshlig‘i Safiulloh Samiy bo‘lgan. U voqea joyida olgan tan jarohati oqibatida halok bo‘lgan.
Samiy asli tojikistonlik bo‘lib, “Tolibon” yetakchisi Haybatulloh Oxundzodaga sodiq odamlardan biridir. Teraktda jami 13 kishi, jumladan Samiy va “Nabaviy” masjidi imomi qori Ehsanulloh o‘ldirilgan, 26 kishi yaralangan.
Eslatib o‘tamiz, 6-iyun kuni ham Fayzobod shahrida portlash sodir bo‘lgandi. Viloyatga “Tolibon” tayinlagan gubernator o‘rinbosari Nisor Ahmadiy, uning haydovchisi va bir necha askarlar halok bo‘lgan. Portlash uchun javobgarlikni harakati taqiqlangan ISHID terrorchilik tashkiloti o‘z zimmasiga olgan.
Viloyatdagi “Tolibon” maʼmuriyati xabariga ko‘ra, xudkush terrorchi o‘zini portlatib yuborgan. Oqibatda gubernator o‘rinbosari Nisor Ahmadiy va yana bir kishi halok bo‘lgan, 6 kishi esa yaralangan.
Izoh (0)