Kantonlar kengashi (Shveysariya parlamentining yuqori palatasi) Ukrainaga qurollarni reeksport qilishga ruxsat beruvchi qonunga o‘zgartirish kiritishni ma’qulladi. Mazkur qarorni 22 deputat qo‘llab-quvvatladi, 17 deputat qarshi chiqdi, 4 nafari betaraf qoldi.
Press-relizda ta’kidlanganidek, olingan qurollarni reeksport qilmaslik to‘g‘risidagi deklaratsiyalarning amal qilish muddati besh yil bilan cheklanishi kerak. Boshqa shartlar qatorida: mamlakat mojaroga aralashmaydi, inson huquqlarining jiddiy buzilishiga yo‘l qo‘ymaydi, "o‘zini himoya qilish huquqidan foydalanmaydi".
Endilikda Shveysariya Milliy kengashi (parlamentning quyi palatasi) qonunga o‘zgartirish kiritishga ovoz berishi kerak. Fevral oyida ham xuddi shunday tashabbus ko‘rib chiqilgach, quyi palata unga qarshi ovoz bergan edi.
Mart oyida parlament Yevropa davlatlariga Shveysariyada ishlab chiqarilgan qurol va o‘q-dorilarni Ukrainaga yetkazib berishga ruxsat berish taklifini ko‘rib chiqishni to‘xtatdi. O‘sha oyda parlament a’zolari reeksport qoidalariga kiritilgan har qanday o‘zgarishlarni ko‘rib chiqishni may oyiga qoldirdi. May oyida profil komissiyasi bir qator shartlarga amal qilgan holda reeksport qilish mumkin deb hisoblagandi.
Izoh (0)