Qashqadaryo viloyatida voyaga yetmagan o‘g‘il jiyanini zo‘rlagan erkak 16 yilga qamaldi. Bu haqda “Sukut saqlama” (“Ne molchi”) kanalida xabar berildi.
Unga ko‘ra, 1975-yilda tug'ilgan M.I. 2022-yilning noyabr oyida ikki shisha spirtli ichimlik isteʼmol qilib, maktabdan o‘rtoqlari bilan qaytayotgan nevara o‘g‘il jiyanini ko‘rib qoladi. U 8 yoshli bolaga do‘konda shirinlik olib berib, uyiga chaqiradi.
Uyida bolani bir xonaning ichkarisiga olib kirib, eshigini ichkari tomondan qulflagan. Unga ikki dona shirinlikni berib, o‘zining ustidagi barcha kiyimlarni yechib, yalong‘och bo‘lgan. Voyaga yetmagan bola unga eshikni ochishini so‘rab yig‘laganiga qaramasdan, qo‘lidan ushlab yerga qarab yotqizgan va majburlab yechintirib, orqadan ishqalangan. Ishini tugatib, erkak yana harakatlarini davom ettiradi.
Shu payt xonaga bolaning uyga kelavermaganidan xavotir olgan bolaning otasi va uning yonidagi erkak kirib keladi. Erkaklar M.I.ni jinoyat ustida tutib olishadi va darhol yalang‘och erkakni va ishtoni tushirilgan yig‘layotgan bolani suratga olishadi.
Qayd etilishicha, bu suratlar bola yaqinlarining ko‘rsatmalari bilan muhim dalil bo‘ldi, negaki M.I. aybini tan olmagan. U bola u bilan uyga o‘zi kelganini, yalang‘och holatini esa go‘yoki kiyimlariga hojatini chiqarib qo‘ygani uchun almashtirish uchun yechinganini aytadi.
Sud-psixologik ekspertizasining xulosasida voyaga yetmagan jabrlanuvchi ruhiy va aqliy jihatdan o‘z yoshiga mos ravishda xatti-harakatlariga javob bera olishi, bilish jarayonlarida og‘ishish yo‘qligi, uning bergan maʼlumotlarini ish uchun asos qilib olishi, guvohlik ko‘rsatuvi berishi mumkinligi ko‘rsatilgan.
31-may kuni sud M.I.ning aybi to‘liq isbotlangan degan xulosaga keladi va unga Jinoyat kodeksining 119-moddasi 4-qismi bilan 16 yil qamoq jazosi berildi. Erkak jazoni umumiy tartibli koloniyada o‘taydi.
Izoh (0)