So‘nggi yangiliklar
O'zb
Ўзбекча
Русский
English
  • O'zb
  • Ўзб
  • Рус
  • Eng

Daryo.uz Daryo.uz

  • O'zb
  • Ўзб
  • Рус
  • Eng
So‘nggi yangiliklar
    • USD 12178.1
    • RUB 126.06
    • EUR 13028.13
    • Google play
    • App Store
    • Telegram
    • Toshkentda
      +24°C
      • Andijon
      • Qarshi
      • Buxoro
      • Samarqand
      • Farg‘ona
      • Sirdaryo
      • Jizzax
      • Termiz
      • Namangan
      • Toshkent
      • Navoiy
      • Toshkent vil
      • Nukus
      • Urganch
    Telegram Youtube Facebook Instagram Twitter

    Daryo logo white Daryo logo dark

    • Mahalliy
      • Mehridaryo
      • Boshqalar
    • Markaziy Osiyo
      • Qirg‘iziston
      • Qozog‘iston
      • Turkmaniston
      • Tojikiston
      • Afg'oniston
    • Dunyo
    • Pul
      • Iqtisodiyot
      • Moliya
      • Kripto
      • Biznes
    • Madaniyat
      • Kino
      • Kitob
      • Musiqa
      • Shou-biznes
    • Layfstayl
      • Ayollar sahifasi
        • Farzand
        • Go‘zallik
        • Karyera
        • Maslahatlar
        • Moda
        • Retseptlar
      • Texnologiyalar
        • Arxitektura
        • Gadjetlar
        • Ilm-fan
        • Koinot
        • Media
      • Avto
      • Qo‘ziqorin
      • Sayohat
      • Salomatlik
      • Ta’lim
        • Abituriyent
        • Ingliz tilini o’rganamiz
    • Sport
    • Kolumnistlar
    • Multimedia

    Daryo.uz Daryo.uz

    Sport

    Angliya klublaridan hech qachon taklif olmagan, JCH g‘olibligini rafiqasiga bag‘ishlagan va “Milan” bilan yutish mumkin bo‘lgan barcha turnirlarda g‘alaba qozongan Kafu haqida (video)

    7 iyun, 23:19 9013

    Futbol tarixidagi eng yaxshi qanot himoyachilaridan biri Kafu 1970-yilning 7-iyun sanasida tug‘ilgan. Faoliyati davomida Braziliya terma jamoasi safida ikki marta Jahon Chempionatida, ikki marta Amerika Kubogida g‘olib chiqqan. “Roma” bilan Italiya chempioni bo‘lgan va klubning shon-shuhrat zaliga kiritilgan, “Milan” bilan esa yutish mumkin bo‘lgan barcha sovrinlarni qo‘lga kiritgan futbolchi 53 yoshga to‘ldi. Quyida Kafuning faoliyati haqida so‘z boradi.

    Futzal orqali katta futbolga

    Kafu faoliyatining avvalidagi ikki yilni futzalga bag‘ishlagan. Himoyachi Braziliyaning San-Paulu shahri xarobalarida tug‘ilgan va yetti yoshidayoq “omadli chipta”ga faqatgina futbol orqali erishish mumkinligini tushungan. Shu sababli braziliyalik katta maydonda ham, kichik maydonda ham to‘p tepish uchun barcha imkoniyatlardan foydalandi.

    Kafuning futzalga bo‘lgan qiziqishi keyinchalik ham so‘nib qolmadi. 2012/13-yilgi Chempionlar Ligasi finali oldidan Londonda Jovanni van Bronkhorst va Robert Pires bilan futzal o‘ynagandi.

    Kafu, shuningdek, braziliyalik kambag‘al oilalar farzandlariga sport, jumladan, futzal bilan shug‘ullanishda yordam beradigan xayriya jamg‘armasini tashkil etgan.

    Tele Santana

    Kafu 18 yoshida “San-Paulu”ning yoshlar jamoasiga qo‘shildi va dastlab o‘ng qanot hujumkor yarim himoyachisi sifatida o‘ynadi. Futbolchining himoya chizig‘iga o‘tib, yaxshi o‘ynab ketishida Tele Santananing o‘rni katta. Braziliya futbolidagi eng omadli murabbiylardan biri Kafuning tezligi, bardoshliligini yuqori baholadi va darhol yosh o‘yinchini asosiy jamoaga jalb qildi. Lekin mutaxassis uni pozitsiyasini o‘zgartirishga majbur qildi.

    O‘zgarishlar futbolchining ham jamoaning ham foydasiga ishladi. Kafu “San-Paulu” bilan ikki marta Libertadores Kubogida, ikki marta Mintaqalararo Kubokda g‘olib chiqqandi. 1994-yilda Janubiy Amerikaning eng yaxshi futbolchisi deb topilgandi.

    Saragosaga sayohat

    O‘z qit’asida muvaffaqiyatga erishgan Kafu kuchini Yevropada sinab ko‘rishga qaror qiladi. Biroq uning birinchi imkoniyatini omadli deb aytib bo‘lmaydi. Futbolchi “Saragosa”da ko‘proq zaxira o‘rindig‘ida o‘tirdi. Aragoniyaliklar o‘ng qanot himoyasida tajribali Alberto Belsue o‘ynardi. Shuningdek, Kafu ko‘p bahslarni jarohati sabab o‘tkazib yubordi. Biroq braziliyalik himoyachi sovrinsiz qolmadi.

    O‘sha mavsumda “Saragosa” sensatsion tarzda Kubok egalari Kubogi finalida Muhammad Naimning qo‘shib berilgan vaqtning oxirgi daqiqasida urgan aql-bovar qilmas goli evaziga g‘olib chiqdi. Kafu bu turnirda bor yo‘g‘i bitta o‘yinda ishtirok etgan bo‘lsa ham g‘oliblar qatorida e’tirof etilgandi.

    Foto: Getty Images

    Ikkinchi laqab

    “Saragosa”dagi mavsumidan so‘ng Kafu Braziliyaga qaytadi va “Palmeyras” jamoasida ikki yil to‘p suradi. Shundan so‘ng futbolchi yana okean ortiga yo‘l oladi. Bu safar avvalgisidan ancha omadliroq bo‘lgandi. “Roma”ga o‘tgan himoyachi o‘zining ikkinchi laqabini oladi. Asl ismi Markos Yevangelista de Moraes bo‘lgan futbolchi “San-Paulu”dagi sheriklari tomonidan 1960—1970-yillarda “Fluminense” va “Atletiko Mineyro” jamoalarida o‘ynagan Kafuringo ismli futbolchi sharafiga “Kafu” laqabini olgandi. Italiyaliklar himoyachining ajoyib o‘yinidan hayratga tushgan va unga tezyurar poyezd sharafiga “Pendolino” laqabini bergan.

    Aleks Fergyuson o‘z intervyularidan birida Kafuning chidamliligidan hayratda ekanini aytadi va uni “ikki yurakli odam” deb ataydi.

    O‘n besh yildan so‘ng

    Kafu “Roma”da olti ajoyib mavsumni o‘tkazdi. Aynan “bo‘rilar” safida braziliyalik himoyachi jahon miqyosidagi yulduzga aylanadi va klubning shon-shuhrat zaliga kiritiladi. Rimdagi faoliyatida qo‘lga kiritgan eng katta yutug'i 2000/01-yilgi mavsumdagi Skudetto bo‘ldi.

    Foto: Getty Images

    Oradan ikki yil o‘tgach, 33 yoshli faxriyga aylangan futbolchi tinch joy haqida o‘ylay boshladi va notinch Yevropani tark etib, Yaponiya Jey-Ligasiga o‘tishga qaror qildi. Biroq Kafuning “Yokogama”ga transferi noma’lum sabablarga ko‘ra amalga oshmay qoldi. Shu paytda “Milan” katta sahnaga chiqdi.

    Milanliklar vitse-prezidenti Adriano Galliani futbolchiga 33 yosh dam olish uchun yo‘l oladigan payt emasligini isbotladi va Kafu “rossoneri” tarkibida 38 yoshigacha harakat qildi. Braziliyalik o‘yinchi faoliyatining so‘nggi yillarida ko‘plab sovrinlar qo‘lga kiritdi. Himoyachi 2007-yilda Chempionlar Ligasi, Yevropa Superkubogi va Klublar o‘rtasidagi Jahon chempionatida g‘olib chiqdi.

    Foto: Getty Images

    Bu muvaffaqiyatlar Kafuni noyob yutuq egasiga aylantirdi. Futbolchi 15 yillik farq bilan ikki mintaqaning asosiy sovrinlari — Chempionlar Ligasi va Libertadores Kubogini yutishga muvaffaq bo‘ldi. 1992-yilda “San-Paulu” bilan g‘alabaga erishgan 22 yoshli bolakay, “Milan”dagi chempionligini nishonlaganda faxriy o‘yinchiga aylangandi.

    Rafiqasiga bag‘ishlangan Jahon Chempionligi

    Kafu Braziliya terma jamoasi safida 142 ta o‘yinda maydonga tushgan. Bu rekord hisoblanadi. Uch marta Jahon Chempionati finalida o‘ynagan va ularning ikkitasida oltin medalga ega chiqqan. 2002-yildagi mundialda esa Braziliya terma jamoasini sardor sifatida g‘alabaga yetaklagan. Jahon Chempionati kubogini birinchi bo‘lib boshi uzra ko‘tarish huquqi uchun esa Kafu qattiq kurashishga majbur bo‘lgan. Futbolchi 1990-yillarning oxirida “selesao” sardoriga aylangandi, lekin 2000-yilda murabbiy Vanderley Lushemburgu himoyachini bog‘ichdan mahrum qildi. Mutaxassis futbolchini Paragvayga qarshi o‘yinda olingan qizil kartochka uchun shu usulda jazolagandi.

    Ko‘p o‘tmay Lushemburgu iste’foga chiqarildi, biroq uning o‘rniga tayinlangan Luis Felipe Skolari ham sardorlik bog‘ichini himoyachiga qaytarishga shoshilmadi. Murabbiy rasmiy sardor rolida Emersonni ko‘rgandi. Ammo Jahon Chempionati boshlanishidan avval yarim himoyachi jarohat oldi va musobaqada ishtirok etmaydigan bo‘ldi. Sardorlik maqomi Kafuga qaytdi.

    Himoyachi o‘sha chempionatda chinakam jamoa yetakchisi edi. Braziliyaning Roberto Karlos va Kafu harakat qilayotgan qanotlari har qanday raqibni dahshatga solardi.

    Finalda Germaniya mag‘lub etilganidan so‘ng, Kafu kubokni boshi uzra ko‘tardi va baland ovozda “Men seni sevaman, Regina!”, deb baqirdi. U Jahon Chempionatidagi g‘alabasini rafiqasiga bag‘ishlagandi.

    Foto: Getty Images

    Faoliyatini yakunlaganidan keyin Kafu tashvishsiz hayot kechirishni boshladi. 2018-yilda bergan intervyusida “Men juda ham baxtli insonman. Har kuni ertalab uyg‘onganimdan xursand bo‘laman”, degandi. Biroq 2019-yilda hammasi o‘zgardi.

    O‘sha yilning yozida Kafuning ko‘pmillionlik qarzlari yig‘ilgani haqida ma’lumot paydo bo‘ldi. Sentabr oyining boshida esa braziliyalik futbolchining o‘g‘li Danilo futbol o‘ynayotgan vaqtda yurak hurujiga uchradi va shifoxonada vafot etdi. Kafuning o‘g‘li o‘ttiz yoshda edi.

    Foto: Getty IMages

    Kafu uchun daxshatli 2019-yil hali tugamagandi. Oktyabr oyida sobiq futbolchi Braziliyadagi eng yirik jinoiy guruh bilan aloqadorlikda gumon qilindi. Politsiya jinoiy guruh hisobchisiga San-Paulu shtatidagi binolar va yerlarni sotish uchun pul o‘tkazilgani bo‘yicha ishni tekshirayotgandi.

    Kafu mish-mishlarni tezda rad etdi. “Buning barchasi yolg‘on. Bu ma’lumot qayerdan chiqqanini bilmayman. Chunki u tumanda mening mulkim yo‘q”.

    Doimo tabassum qilib turadigan futbolchi bu og‘ir vaziyatni ham yengib o‘tib, yana odamlarga tabassum ulashishda davom etdi.

    Facebook Twitter LinkedIn Telegram Email

    Mavzuga doir

    Meni hech qachon “Bavariya”da ko‘rmaysiz. “Borussiya D”ning tirik afsonasi Marko Roys haqida

    31 may, 23:56

    “Real”ga 30-chempionlikni keltirgan, Yevropa Ligasida 5 marta g‘olib chiqqan va fojiali o‘lim topgan Xose Antonio Reyes haqida

    2 iyun, 01:28

    Tavsiya etamiz

    Oliy sud Xorazmdagi mehribonlik uyida qizlarni zo‘rlagan amaldorlarga jazo o‘zgarishsiz qolganini rad etdi 

    13:00 / 21.09.2023

    BMT assambleyasidagi mojaro, namoyishga chiqqan traktorlar, bo‘ron qurbonlarini dafn etayotgan ko‘ngillilar — 20-sentabr suratlari 

    23:00 / 20.09.2023

    “Odamlar doimo eng yaxshi ko‘rgan narsalarini vayron qiladi…” — “Alkimyogar” asari haqida

    22:00 / 20.09.2023

    “Dok-1 Maks” sudi: siropga berilgan guvohnomadagi rahbar imzosini ekspertiza qilish so‘raldi. Advokatga ko‘ra, imzolar soxtalashtirilgan bo‘lishi mumkin 

    18:00 / 20.09.2023

    MOLIYA

    Iqtisodiyot

    O‘zbekiston uran qazib olish bo‘yicha dunyoda 5-o‘rinda. Asosiy ko‘rsatkichlar

    16:00 / 15.09.2023

    Mehnat daftarchasi yo‘qolsa, qanday qilib pensiyaga chiqish mumkinligi tushuntirildi

    14:00 / 09.09.2023

    Davlat budjetining to‘rt kunlik daromad va xarajatlari miqdori ochiqlandi. Xarajatlar ancha yuqori

    16:00 / 08.09.2023

    Eng yirik IPO’lar: omadli va omadsiz kechgan aksiya sotuvlari tarixi

    20:00 / 06.09.2023

    Ko‘p o‘qilganlar

    Ramzan Qodirov kasalligi haqidagi mish-mishlarga izoh berdi (video)

    21:00 / 20.09.2023

    “Rossiya Qozog‘istonga tahdid solmoqda” — Zelenskiy BMTda nutq so‘zladi (video) 

    06:00 / 20.09.2023

    O‘zbekistonda dollar kursi yana oshdi

    16:00 / 20.09.2023

    OCHL. “An-Nassr” Eronda ishonchli g‘alabani qo‘lga kiritdi (video) 

    02:00 / 20.09.2023

    “Devdas”ni ko‘rayotganimda Ayshvariyadan ko‘z uza olmaganman — Bollivud aktyorlari bilan ishlashni orzu qiladigan Gollivud yulduzlari 

    14:00 / 20.09.2023
    About Us

    “Daryo” internet-nashrining (O‘zbekiston matbuot va axborot agentligi (O‘zMAA, hozirgi O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi) tomonidan 13.03.2015 yil sanasida 0944-sonli guvohnoma bilan ommaviy axborot vositasi sifatida ro‘yxatga olingan. Matnli materiallarni to‘liq ko‘chirish yoki qisman iqtibos keltirishga, shuningdek, fotografik, grafik, audio va/yoki videomateriallaridan foydalanishga “daryo.uz” saytiga giperhavola mavjud bo‘lgan va/yoki “Daryo” internet-nashrining muallifligini ko‘rsatuvchi yozuv ilova qilingan taqdirda yo‘l qo‘yiladi. Chop etiladigan ba’zi ma’lumotlar 18 yoshga to‘lmagan foydalanuvchilarga mo‘ljallanmagan bo‘lishi mumkin. Info@daryo.uz

    © «Simple Networking Solutions» MChJ, 2013–2023

    Yosh bo‘yicha cheklov

    Xato topdingizmi? Ctrl+Enter’ni bosing

    Nimani qidiramiz?