AQSHning sobiq vitse-prezidenti Mayk Pens 2024-yilgi prezidentlik saylovlarida o‘z nomzodini qo‘yishini ma’lum qildi. Bu haqda u 7-iyun kuni Twitter’dagi videomurojaatida ma’lum qildi.
“Ochig‘i, saylovga aralashmasdan, bir chetda turish oson bo‘lardi. Lekin men bunday tarbiyalanmaganman. Shuning uchun bugun men Xudo va oilam oldida Amerika Qo‘shma Shtatlari prezidenti saylovida ishtirok etishimni e’lon qilaman ”, — dedi siyosatchi.
Uning ta’kidlashicha, turli davrlar turli yetakchilarni talab qiladi.
AQSHda navbatdagi prezidentlik saylovlari 2024-yilning 5-noyabrida bo‘lib o‘tadi. So‘nggi prezidentlik saylovi 2020-yilning 3-noyabrida o‘tkazilgan bo‘lib, unda Demokratlar partiyasidan ilgari surilgan nomzod Jo Bayden g‘alaba qozongan.
Izoh (0)