Rossiyaning Irkutsk viloyatida o‘zbekistonlik erkak og‘ir tan jarohati olgani ma’lum bo‘ldi. Bu haqda Tashqi mehnat migratsiyasi agentligi axborot xizmati xabar berdi.
Unga ko‘ra, aprel oyida Irkutsk viloyatining Ust-Ilimsk tumanida O‘zbekiston fuqarosi SH.N. og‘ir tan jarohati olgan. Uning holidan xabar olish maqsadida Tashqi mehnat migratsiyasi agentligining ushbu hududdagi vakili u vaqtincha yashab turgan xonadonda bo‘ldi.
Unga Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasi tomonidan yordam ko‘rsatilib, 11-iyun kuni O‘zbekistonga ketish uchun aviachipta olib berilgani maʼlum qilindi. Bugungi kunda vatanga qaytarish choralari ko‘rilmoqda.
Izoh (0)