Niderlandiya radioeshittirish korporatsiyasi xabariga ko‘ra, bir kechada Amsterdamda uchta portlash sodir bo‘ldi.

Nord tumanidagi bir-biriga yaqin joylashgan uchta ko‘chada joylashgan binolar oldida portlovchi moslamalar soat 03:15 bilan 03:50 oralig‘ida ishga tushgan. Portlashlar natijasida hech kim jabrlanmagan.

Birinchi portlashdan keyin yong‘in kelib chiqqan, u maxsus xizmat vakillari tomonidan tezda o‘chirilgan. Portlash kuchidan yaqin atrofdagi binolarning eshiklari va fasadlari shikastlangan.

Voqea joyida bo‘lgan 21 yoshli yigit gumonlanuvchi sifatida qo‘lga olingan. Hozirda mazkur holat bo‘yicha tergov harakatlari olib borilmoqda.