Ijtimoiy tarmoqning qoraqalpoq segmentida harakatsiz turgan, davlat raqami 95 P 101 JA bo‘lgan Lacetti yonib ketgani aks etgan video tarqaldi.
Ma‘lum bo‘lishicha, voqea 30-may kuni Qoraqalpog‘istonning To‘rtko‘l tumanida sodir bo‘lgan.
Qoraqalpog‘iston YHXBning aniqlik kiritishicha, mashinaning yonib ketishiga motor qismidagi elektr simlarining qisqa tutashuvi sabab bo‘lgan.
Hodisa oqibatida hech kimga tan-jarohati yetmagan. Zarar miqdori esa ochiqlanmagan.