“Maktabgacha va maktab taʼlimi vazirligi hamda uning tizimidagi tashkilotlar faoliyatini samarali tashkil etish chora-tadbirlari to‘g‘risida”gi prezident farmoni bilan Maktabgacha va maktab taʼlimi vazirligining ayrim funksiyalari xususiy sektorga berilmoqda.
Hujjat bilan Maktabgacha va maktab taʼlimi vazirligining, Maktabgacha taʼlim agentligining, Ixtisoslashtirilgan taʼlim muassasalari agentligining tashkiliy tuzilmalari tasdiqlangan.
Shuningdek, vazirlik va uning tizimidagi tashkilotlarning xususiy sektorga o‘tkazilayotgan funksiyalari ro‘yxati tasdiqlanmoqda:
- Davlat maktabgacha va umumiy o‘rta ta’lim tashkilotlarini ko‘mir yoqilg‘isiga o‘tkazish orqali ularni kuz—qish mavsumida issiqlik energiyasi bilan uzluksiz ta’minlash, ushbu muassasalarning qozonxonalarni modernizatsiya qilish, issiqlik tizimini ta’mirlash va belgilangan me’yorlarda ishlashini ta’minlash funksiyalarini davlat-xususiy sheriklik asosida bosqichma-bosqich sektorga berish xususida (2023-yil avgustgacha);
- Umumiy o‘rta ta’lim muassasalari o‘qituvchilari va maktabgacha ta’lim tashkilotlari tarbiyachilari uchun ayrim fanlar bo‘yicha malaka oshirish kurslarini tashkil etish (2023-yil sentabrgacha).
Ta’lim tizimidagi o‘zgarishlar
2023/2024-o‘quv yilidan boshlab bosqichma-bosqich umumiy o‘rta ta’lim muassasalarining 1–4-sinflarida o‘quvchilarga boshlang‘ich, 5–9-sinflarda tayanch hamda 10–11-sinf o‘quvchilarining qiziqish va qobiliyatiga mos bo‘lgan ixtisoslashgan bilimlarni berishga yo‘naltirilgan dastur va o‘quv-metodik majmualar joriy etilishi to‘g‘risida xabar berilgandi.
Bundan tashqari, o‘quvchilar bilimini baholashning yangi tartibi joriy etiladi va uning doirasida o‘qituvchi tomonidan o‘quvchilarning o‘tilgan mavzuni amaliyotda qo‘llay bilish, tanqidiy fikrlash va berilgan materialni tahlil qila olish kabi ko‘nikmalari baholanadi. Shuningdek, maktablarni malakali kadrlar bilan ta’minlash maqsadida pedagoglarni sertifikatlash tizimi yo‘lga qo‘yiladi.
Izoh (0)