Futbol bo‘yicha Ispaniya La Ligasining 38-turidan o‘rin olgan qator uchrashuvlar 4-iyun, yakshanba kuni bo‘lib o‘tdi.
Muddatidan oldin chempionlikni rasmiylashtirgan “Barselona” mehmonda “Selta”ga qarshi maydonga tushdi. Uchrashuvning 12-daqiqasida kataloniyaliklar vakili Frank Kessie hisobni ochgandi, biroq gol bekor qilindi.
Vigoliklar futbolchisi Gabri Veyga 42 va 65-daqiqalarda gol urib, jamoasini oldinga olib chiqdi. “Ko‘k-anorranglilar” hujumchisi Ansu Fati 79-daqiqada hisobni qisqartirdi — 2:1. O‘yin yakuniga qadar jamoalar boshqa gol kiritmadi.
“Valyadolid” so‘nggi turda “Xetafe”ga qarshi maydonga tushdi. Uchrashuvda 0:0 hisobi qayd etildi va “Valyadolid” Segundaga yo‘l olgan uchinchi jamoaga aylandi. Bungacha “Espanyol” va “Elche”ning quyi ligaga tushib ketishi ma’lum bo‘lgandi.
Shu bilan Ispaniya La Ligasining 2022/23-yilgi mavsumi o‘z nihoyasiga yetdi.
La Liga
38-tur bahslari
4-iyun, yakshanba
“Selta” – “Barselona” 2:1
Gollar: 1:0 – 42 Veyga, 2:0 – 65 Veyga, 2:1 – 79 Fati.
“Selta”: Vilyar, Mingesa (Vaskes, 67), Nunyes, Dominges, Galan, Oskar Rodriges, Beltran, Veyga (Servi, 71), De La Torre (Tapiya, 70), Karles Peres, Seferovich (Aspas, 78).
“Barselona”: ter Shtegen (Penya, 63), Serxi Roberto, Kristensen (Gavi, 46), Kunde, Alonso, Erik Garsiya (Torre, 72), Kessie, de Yong, Rafinya (Dembele, 63), Ferran Torres (Fati, 63), Levandovski.
Ogohlantirishlar: Ferran Torres (55), Rafinya (62), Franko Servi (81), Renato Tapia (90+6).
“Betis” – “Valensiya” 1:1
Gollar: 1:0 – 1 Peres, 1:1 – 71 Diyego Lopes.
“Elche” – “Kadis” 1:1
Gollar: 0:1 – 10 Eskalante, 1:1 – 71 Boye.
“Espanyol” – “Almeriya” 3:3
Gollar: 0:1 – 10 Ture, 1:1 – 13 Puado, 2:1 – 49 Pyer-Gabriel, 2:2 – 58 Embarba, 3:2 – 73 Koliosho, 3:3 – 87, Embarba (pen).
Izoh (0)